Ինչո՞ւ Զիդանը որոշեց լքել Մադրիդի «Ռեալ»-ը

Ինչպես արդեն հայտնել էինք, իսպանական «Ռեալի» գլխավոր մարզիչ Զինեդին Զիդանը երեկ տեղի ունեցած մամուլի ասուլիսի ժամանակ հայտնեց, որ հեռանում է թիմից։

Լուրն անսպասելի ու շոկային էր ոչ միայն իսպանական ակումբի երկրպագուների, այլև ամբողջ ֆուտբոլային աշխարհի համար։ Արդեն այսօր իսպանական սպորտային պարբերականները սկսեցին գրել այն մասին, թե իրականում ինչեր կան թաքնված Զիդանի հեռացման թիկունքում։

Իսպանական սպորտային պարբերականները նշում են, որ հաջողությունից զատ թիմի ներսում մթնոլորտը վատանում էր, որն էլ պայմանավորված էր Նեյմարի հավանական տրանսֆերով, ինչպես նաև Ռոնալդուի աշխատավարձի բարձրացման ցանկությունով։

Այս ամենի հետ մեկտեղ «Ռեալի» ղեկավարությանը դուր չէր գալիս Զիդանի տրանսֆերային քաղաքականությունը։ Սրա հետ մեկտեղ Զիդանին էլ դուր չէր գալիս «Ռեալի» տրանսֆերային քաղաքականությունը։

Այս ու մի շարք անհայտ հանգամանքներ հաշվի առնելով՝ Զիդանը որոշել է հրաժարական տալ շատ գեղեցիկ ու անաղմուկ։ Թերևս այս ամենի մասին տեղեկություններ տալիս են իսպանական պարբերականները, սակայն ապագան միայն ցույց կտա, թե ինչո՞վ էր պայմանավորված այս հեռացումը։