Սփյուռքի նախարարը չի հանգստանում

Նոր կառավարության ձևավորումից հետո սփյուռքի նախարար Մխիթար Հայրապետյանը երևի թե միակն է, որ գրեթե ամեն օր մամուլի էջերին է՝ տարբեր պատճառներով։ Հայտնի չէ՝ ինչպես, բայց նրա հայտնվելը մամուլում, կարծես թե ստացվում է․ երևի ամեն օր վեր է կենում և որոշում է թափ տալ հանրությանը մամուլի միջոցով: Այս անգամ որոշել է գնալ Սիրիա, և նպատակները ոչ բարեգործական են, ոչ մարդասիրական. ուղղակի գովազդվելու համար հարմար վայր է։

Ի դեպ, ունենալով «սփյուռքագետի» բազմամյա ստաժ՝ տեղյակ է, որ եթե ցանկանում ես Արևելքի, մասնավորապես՝ Մերձավոր արևելքի գաղթօջախների վերաբերյալ հիմնավոր տեղեկություններ կուտակել, ապա լավագույն միջոցը այնտեղ հասնելն է։

Սակայն նախարարը հաշվի չի առել այն, որ Սիրիան, լինելով ՌԴ դաշնակիցը՝ ԱՄՆ-ի և Արևմուտքի կողմից դիտարկվում է ոչ դրական լույսի ներքո, թեև Հայաստանն իր քայլերով դժվար ազդի համաշխարհային քաղաքականության վրա, սակայն յուրաքանչյուր փոքր քայլ գնահատվում է ըստ արժանվույն։ Հաստատ Արևմուտքը հանգիստ չի նստելու նայի, թե ինչպես է ՀՀ նորաթուխ սփյուռքի նախարարը գնում Սիրիա՝ գովազդվելու։

Աներկբա է, որ նա նորանշանակ նախարարների մեջ ամենաակտիվն է իր յուրօրինակ գաղափարներով, նոփ-նոր Ամերիկայի հայտնագործություններով։ Եվ միայն Մխիթար Հայրապետյանի զարգացման համար, զգացվում է, որ հանրությունը դեռ երկար է սպասելու: Գուցե մյուս նորանշանակ պաշտոնյաները և նախարարները, որոնց տարիքը և փորձառությունը ոչինչ չի ասում անձի մասին՝ այնքան խոհեմություն ունեն, որ կարողանում են առնվազն լուռ մնալ: Ամենաերիտասարդ նախարարի մոտ դեռևս դա էլ չի ստացվում։

Նաև հասկանալի է, որ նա օգնականներ և խորհրդականներ է տարել իրենից էլ երիտասարդ և նորելուկ անձանց, որոնք սփյուռքի նախարարին և այս ոլորտին ինչ-ինչ խորհուրդներով օգուտ տալու համար նախ իրենք պետք է տարիների փորձառություն հավաքեն:

Կարող են նախարարի աշխատասենյակում սուրճ, սելֆի, ջահելական հավաքվեր կազմակերպել. դեռևս ավելին չի ստացվում։

NEWSPRESS.am