Ինչո՞ւ վաղաժամ ազատ արձակվեց...

Ոստիկանության տղաներն այսօր պառկեցրել էին Սերժ Սարգսյանի եղբորը՝ Սաշիկ Սարգսյանին, ով հանրության մեջ բացի բացասական էմոցիաներից, որևէ այլ զգացողություն չի առաջացնում:

Սաշիկ Սարգսյանի նկատմամբ հանրության ատելության պատճառը, թերևս, այս անձնավորության անպատժելի վարքագիծն ու ուրիշի ունեցվածքի վրա աչք տնկելու՝ նրա արատավոր սովորությունը:

Բոլորին է հայտնի Ալեքսանդր Սարգսյանի՝ հայտնի 50/50 տոկոսի բանաձևը կամ պատկերավոր ասած՝ «Սաշիկի նալոգը»:

Վերջին մեկ ամսում համացանցը հեղեղած հայտնի «կոռուպցիոն սխեմա» արտահայտությունը լավագույնս բնորոշում է հենց Սաշիկ Սարգսյանին:

«Գլենդեյլ Հիլզ» ընկերության տանիքը համարվող այս մարդու գործունեության հետևանքով, հարյուրավոր քաղաքացիներ, վճարելով միլիոնավոր դրամներ, այնուամենայնիվ, այդպես էլ չկարողացան այդ թաղամասում տան տեր դառնալ:

Հարկային ստուգումների արդյունքում Սաշիկին պատկանող գազալցակայանում հայտնաբերվեցին ահռելի չարաշահումներ, խոշոր չարաշահում նաև «Սեքյուրիթի Դրիմ» ՍՊԸ-ում. այս ընկերությունը ևս կապվում է Սաշիկ Սարգսյանի անվան հետ:

Սերժ Սարգսյանի Սաշիկ եղբորն են պատկանում նաև «Parking City Service» ընկերությունը, «ՄուլտիԼիոն» ընկերության բաժնետոմսերի 50 %-ը

Եվ սա դեռ ամենը չէ, ինչը գալիս է փաստելու, որ Սաշիկ Սարգսյանն օլիգարխ է, ով մշտապես օգտվել է եղբոր ընձեռած հովանավորչությունից, դարձել անպատժելի, ու հիմա եկել է պատասխան տալու ժամանակը, եկել է կոռուպցիային վերջ տալու ժամանակը, ինչի մասին, ի դեպ, հայտարարեց վարչապետ Նիկոլ Փաշինյանը:

Կգնա՞ն ոստիկանությունն ու ԱԱԾ-ն մինչև վերջ ու թափ կտա՞ արդյոք Սաշիկ Սարգսյանը գրպանները՝ պետությունից թալանածը պետությանը վերադարձնելով՝ կիմանանք ավելի ուշ, իսկ մինչը այդ՝ հավելենք, որ Սաշիկը ոստիկանությունում է մնացել ընդամենը մի քանի ժամ, նա արդեն ազատության մեջ է:

Հետաքրքիր է՝ Սերժ Սարգսյա՞նն է մատը մատին տվել եղբորն այնտեղից հանելու համար, թե՞ իսկապես դեռ նրան ձերբակալելու հիմք չկար:

NEWSPRESS.am