Գագիկ Խաչատրյանն ԱՄՆ-ում է և շքեղ առանձնատուն է կառուցում. նրան տեսել են սրճարաններից մեկում (տեսանյութ)

Վերջին շրջանում ՊԵԿ-ը, Ոստիկանությունը, ԱԱԾ-ն միաժամանակյա գործողություններ են իրականացնում և փորձում խոշորների գլխից բռնել, ինչպիսիք օրինակ Սաշիկ Սարգսյանն է, Սերժի Վաչոն, Գազի Վարդանը, Մանվել Գրիգորյանն իր որդու հետ միասին, սակայն որոշներին այդպես էլ ձեռքները չի հասնում:

Օրինակ նախկին ֆինանսների նախարար Գագիկ Խաչատրյանի դեպքում, ով հասցրել է իր պաշտոնավարման ընթացքում դոլարով միլիոնատեր դառնալ, թե ինչպես ̀ երևի կարելի էր Սերժի Վաչոյին բռնելու եղանակով էլ դա պարզել: Ապօրինի հարստացողների թիվը Հայաստանում քիչ չէ, գուցե հերթը մնացածին էլ հասնի և թույլ չտրվի նրանց ողջ կապիտալը երկրից դուրս հանել, ինչպես դա եղավ Սյունիքի նախկին մարզպետ Սուրիկ Խաչատրյանի պարագայում, վերջինիս չէին թողել սահմանը հատել:

Սահման չանցավ Սուրիկ Խաչատրյանը, բայց այդ գործում հաջողեց Գագիկ Խաչատրյանը: Այս օրերին նախկին Ֆինանսների նախարարը ԱՄՆ-ում է, սիրում է շատ զբոսնել կենտրոնական փողոցներով, սրճել ամերիկյան բարերում և մի քանի միլիոն դոլար արժեցող առանձնատուն կառուցել:

Մեր աղբյուրները պնդում են ̀ Գագիկ Խաչատրյանն առանձնատունը կառուցում է մեծ թափով և առանձնակի շքեղությամբ, որն անգամ ճոխության մեջ ապրող ամերիկացիներին է զարմացնում:

Թե ինչպես Գագիկ Խաչատրյանին հաջողվեց միլիոները դուրս տանել, հավանաբար վերը նշված կառույցները կպատասխանեն, իսկ թե ինչպես է սիրում շունչ առնել Խաչատրյանը ԱՄՆ-ի սրճարաններում դիտեք կարճ տեսանյութում: