Լերոյ Սանե VS Յոահիմ Լյով․ որո՞նք էին գերմանական ողբերգության պատճառները

Երբ հայտարարվեց Գերմանիայի հավաքականի այն կազմը, որը մեկնելու է Ռուսաստան, ու մասնակցելու է Աշխարհի առաջնությանը, բոլորը միաձայն բացականչեցին․

-Իսկ ո՞ւր է Լերոյ Սանեն։

Երբ երեկ Գերմանիայի հավաքականը խայտառակ պարտություն կրեց, ու դուրս թռավ Աշխարհի առաջնությունից, բոլորը ասացին․-Եթե Սանեն լիներ, ապա այսպես չէր լինի։
Այս առաջնությունը դեռ երկար կհիշեն գերմանացիները, քանի որ պատմության մեջ առաջին անգամ նրանք չկարողացան հաղթահարել խմբային փուլի արգելքը։ Շատերն այս պարտությունը կապում են մարզչի հետ, շատերը՝ թիմի։ Սակայն մի բան հստակ երևաց։ Գերմանացիներն ուղղակի չկարողացան գոլեր խփել։ Հավաքականի բոլոր խնդիրները սկսվում էին մրցակցի տուգանային հրապարակի սահմաններից։ Այդ կետից այն կողմ գերմանացիները չէին կարողանում ոչինչ անել։ Լյովը հավաքական չհրավիրեց Լերոյ Սանեին ։Միգուցե գերմանացի մասնագետը Կոնֆեդերացիաների գավաթի հետ էր շփոթել Աշխարհի առաջնությունը․․․․․ Լյովի համար Սանեն ավելորդ էր։

Սանեն ճանաչվեց անգլիայի առաջնության լավագույն երիտասարդ ֆուտբոլիստ։ Մյուս կողմից շատերը նշում էին,որ հենց Սանեն պետք է ստանալ լավագույն ֆուտբոլիստի կոչումը։ Սակայն մի բան հստակ էր։ Սանեն, Սալլահն ու Դե Բրույնեն Անգլիայի պրեմիեր լիգայի լավագույն ֆուտբոլիստներն էին։

Սանեն մրցաշրջանի ընթացքում խփեց 10 գնդակ, և դարձավ 15 գոլային փոխանցման հեղինակ։ Լյովն իր թիմ Սանեի փոխարեն հրավիրեց Մարիո Գոմեսին, ով ամբողջ մրցաշրջանի ընթացքում խփեց 9 գնդակ և դարձավ 5 գոլային փոխանցման հեղինակ և Յուլիան Բրադտին,ով խփեց 9 և դարձավ 4 գոլային փոխանցման հեղինակ։

Գերմանիան խաղարկող ֆուտբոլիստների կարիք չուներ,քանի որ Կրոսսն ու Օզիլը այդ պարտականությունները հոյակապ կատարում են,սակայն չկար գոլահար։

Սանեն դասական գոլահար չէ, սակայն այն,ինչ այս տղան կարողանում է անել եզրային գրոհների ժամանակ, Գերմանիայի հավաքականում չի կարողանում անել ոչ-ոք։ Ու անտրամաբանական է, որ Սանեն չհրավիրվեց։ Փաստացի վիճակագրական տեսանկյունից Սանեն ավելի լավ արդյունքներ ունի, քան Բրանդտն ու Գոմեսը։

Մյուս Կողմից Սանեն իրեն հրաշալի դրսևորեց Անգլիայի նման բարդ առաջնությունում։ Շատ մասնագետներ, ինչպես նաև Գերմանիայի հավաքականի երկրպագուներն անհամբեր սպասում են, թե ի՞նչ բացատրություն պիտի տա Լյովը։ Թե ինչո՞ւ չկար Սանեն։Ինչո՞ւ թիմում չկար գնդակ հեղինակող ֆուտբոլիստ։

Լյով VS Սանե դիմակայությունում շահեց Սանեն, քանի որ ամբողջ Գերմանիան զգաց նրա պակասը։Իսկ Լյովը դեռ երկար կհիշի այս առաջնությունը, որն ամենայն հավանականությամբ նրա համար վերջինը կլինի Գերմանիայի հավաքականի կազմում։