Դանակահարություն Գեղամավանում. 56-ամյա տղամարդը հիվանդանոցում մահացել է

Հուլիսի 8-ին՝ ժամը 21.35-ին, ոստիկանության Սևանի բաժնում հաղորդում է ստացվել, որ «կրծքավանդակի կտրած-ծակած վերքեր» ախտորոշմամբ «Սևանի բժշկական կենտրոն» ՓԲԸ բուժօգնության է տեղափոխվել 1962 թ. ծնված Հուսիկ Զաքարյանը:

Մեկնած օպերատիվ խումբը պարզեց, որ Հուսիկ Զաքարյանը նշված վնասվածքը ստացել է նույն օրը՝ ժամը 20.30-ի սահմաններում, Գեղամավան գյուղի 2-րդ փողոցի 8-րդ նրբանցքի թիվ 3 տան դիմաց կենցաղային հարցերի շուրջ ծագած վիճաբանության ժամանակ 1989 թ. ծնված Աշոտ Ա.-ի կողմից դանակով հարվածելու հետևանքով:

Հուլիսի 8-ին՝ ժամը 21.55-ին, Հուսիկ Զաքարյանը հիվանդանոցում մահացել է:

Նշանակվել է դատաբժշկական փորձաքննություն։

Աշոտ Ա.-ն ձերբակալվել է։ Հանգամանքները պարզվում են:

Ոստիկանության լրատվական ծառայությունից հայտնում են, որ կատարվում է նախաքննություն: