ժողովրդին խորը և մեծ հիասթափություն է սպասվում․ երկրի իրավիճակից դժգոհ մարդկանց թիվը չի փոխվում

«Այս երեք ամիսներին Նիկոլենք պետական ողջ ապարատից բազմաթիվ մարդկանց են ազատել աշխատանքից՝ նրանց փոխարինելով իրենց թիմակիցներով՝ մինչև անգամ ամենացածր օղակներում...

Պարզ է չէ, որ աշխատավարձով ապրող այս մարդիկ Նիկոլի պատճառով հայտնվեցին գործազրկության մեջ և այս մարդիկ էլ քննադատելու են Նիկոլին ու նրա թիմակիցներին և այս մարդկանց հակահեղափոխական կամ ծախված անվանելն ուղղակի ծիծաղելի է:

Այսինքն ի՞նչ ստացվեց՝ մեր ժողովրդի գործազուրկ մի հատվածին Նիկոլը աշխատանքի տեղավորեց՝ գործազուրկ դարձնելով աշխատանք ունեցող ժողովրդի մեկ այլ հատվածի, որի արդյունքում երկրի իրավիճակից դժգոհ մարդկանց թիվը չի փոխվում՝ փոխվում են մարդկանց անունները:

Դրա համար էլ ես ասում էի՝ սա հեղափոխություն չէ, սա աթոռակռիվ է, պաշտոնակռիվ, որի արդյունքում մարդկանց մի խումբ կորցրեցին իրենց աթոռները, մեկ այլ խումբ հայտնվեցին այդ աթոռների վրա՝ ժողովրդին տալով մեծ-մեծ խոստումներ և հույսեր, բայց ցավոք ժողովրդին խորը և մեծ հիասթափություն է սպասվում, որն ի դեպ, արդեն սկսվել է...»։

Մենուա Հարությունյանի ֆեյսբուքյան էջից