ԽՍՀՄ սերիական մարդասպանը․ ինչու էր հայ տղան բռնաբարում, սպանում կանանց ու վերցնում նրանց անձնական իրերը (ֆոտո)

Մինչ օրս ԱՄՆ-ում շատերը հիշում են սերիական մարդասպան Կարլ Յուջինին, ով սպանում էր մարդկանց, քանի որ նրանց աչքերում նկատում էր չարություն։

Նա սպանեց, ընդհանուր առմամբ, 12 մարդու։ Խոսելով սերիական մարդասպանների մասին՝ կներկայացնենք նաև հայ սերիական մարդասպանի, ով ծնվել, մեծացել, ապրել ու մահապատժի է ենթարկվել Ռուսաստանում։

Զավեն Ալմազյանը ծնվել է 1950 թվականին Դոնի Ռոստովում։ Նա եղել է սովորական երեխա ու ոչ մի խնդիր չի ունեցել, սակայն ամեն ինչ սկսվել է մի դեպքից հետո։ Իսկ հասկանալու համար, թե նրան ինչու էին ասում «Պողպատե մատներ»,
«Վորոշիլովգրադի սերիական մարդասպան»՝ սկսենք սկզբից։

Զավենի մոտ հոգեկան շեղումները սկսվում են 18 տարեկանում՝ ռուս աղջկա հետ պայմանավորված, իսկ հետո չիրականացված սեռական ակտից հետո։ Այդ ամենը ծանր հետևանք է թողնում տղայի հոգեկան աշխարհի վրա, ու արդեն 1970 թվականից սկսում են սպանություններն ու բռնաբարությունները։

Զավենն ընտրում էր գեղեցիկ կանանց կամ աղջիկների, դանակը պահում կոկորդին ու բռնաբարում։ Այսպես մի քանի անգամ համալսարաններում հարձակում գործելուց հետո մի անգամ կորցնում է ուսանողական տոմսն ու բռնվելու վտանգից դրդված՝ մեկնում բանակ՝ ծառայության։ Սակայն խորհրդային բանակում նույնպես հայ տղայի «քաջագործությունները» շարունակվում են։ Նա ծառայում է Լուգանսկի երկրամասի զորամասում՝ խոզապահության ստորաբաժանմունքում, և կարողանում է հանգիստ լքել զորամասի տարածքը։

1970 թվականի մարտին Ալմազյանը զորամասի տարածքը լքում է ու Լուգանսկում բռնաբարում 5 կնոջ։ Լուրը տարածվում է և քաղաքում սահմանվում է խիստ հսկողություն։

1970 թվականի ապրիլին իրականացնում է իր առաջին սպանությունը։ Ժապավենաթելով կապելով 17-ամյա աղջկա ձեռքերը և սրբիչով փակելով նրա բերանը՝ նա բռնաբարել և խեղդամահ է արել աղջկան, իսկ վերջում՝ իր հետ վերցրել աղջկա ոսկե ժամացույցը։

1970 թվականի հուլիսի 4-ին Ալմազյանը բռնաբարել և սպանել է ևս մի 17-ամյա աղջկա:

1970 թվականի օգոստոսի 6-ին նա հարձակվել է 20-ամյա մի աղջկա վրա, որն աշխատանքից տուն էր վերադառնում, սակայն անցորդի միջամտությունը ստիպել է նրան փախչել: 1970 թվականի սեպտեմբերի 22-ին Ալմազյանը նորից իրականացրել է անհաջող հարձակում՝ փախչելով պատահական անցորդների միջամտության արդյունքում։

1970 թվականի հոկտեմբերի 27-ին Ալմազյանը բռնաբարել և սպանել է 20-ամյա մի աղջկա՝ վերցնելով նրա ականջօղերը և կարմիր զգեստը։ 1970 թվականի նոյեմբերի 7-ի լույս 8-ի գիշերը քաղաքային զբոսայգիներից մեկում հարձակվել է մի կնոջ վրա: Արդյունքում կասկածյալների հետ մեկտեղ ոստիկանները բռնում են նաև Զավենին և կինը ճանաչում է նրան։

Հատկանշական է, որ մինչ ձերբակալվելը մի շարք բռնաբարություններ ևս իրականացնում է Ալմազյանը, սակայն, իր փոխարեն տարօրինակ զուգադիպությամբ, ձերբակալվում են ուրիշ տղամարդիկ, ովքեր նույնպես բռնաբարություններ են իրականացրել։

Ալմազյանը խոստովանում է, որ ինքն է Դոնի Ռոստովում և Լուգանսկում իրականացրել հանցագործությունները: Խուզարկման արդյունքում նրա սենյակում հայտնաբերվել են բոլոր այն իրերը, որոնք հանցագործը վերցրել էր սպանված և բռնաբարված կանանցից: Ընդհանուր առմամբ, Ալմազյանը սպանել է երեք և բռնաբարել տասներկու կանանց:

Ալմազյանը դատապարտվում է գնդակահարության։ 1973 թվականին գնդակահարվում է 23-ամյա հայ մոլագար մարդասպանը։