Ամփոփվեցին կրկնահանցագործությունների նախականխման ուղղությամբ տարվող աշխատանքները

Ս/թ սեպտեմբերի 26֊ ին ՊԾ Արմավիրի մարզային բաժնում տեղի ունեցավ աշխատանքային քննարկում բաժնի պետ՝ Կարեն Ստեփանյանի, գլխավոր մասնագետների և կամավորների մասնակցությամբ։

Քննարկման թեման էր 2017 և 2018թթ . 9 ամսվա ընթացքում ՊԾ Արմավիրի մարզային բաժնում հաշվառված շահառուների/դատապարտյալների/ կողմից կրկնահանցագործությունների նախականխման ուղղությամբ բաժնում կատարված աշխատանքների արդյունքների ամփոփումը։

Պարոն Ստեփանյանը նշեց, որ պրոբացիայի ծառայության գլխավոր նպատակներից է քրեական վարույթի ընթացքում շահառու / դատապարտյալի / հնարավոր անօրինական վարքագծի կանխման ու դատարանի կողմից նրա վրա դրված պարտականությունների կատարման ապահովմանն ուղղված միջոցների իրականացումը՝ այլընտրանքային խափանման միջոցների կիրառումն ապահովելու միջոցով, հանցագործության համար դատապարտյալի նկատմամբ դատական ակտով նշանակված պատժի և հարկադրանքի այլ միջոցների կատարման միջոցով սոցիալական արդարության վերականգնումը, պատժի ենթակա անձի վերասոցիալականացումը , հասարակության անվտանգության ապահովումը ՝ կրկնահանցագործության կանխարգելման և կրճատման միջոցով, պրոբացիայի շահառուի և տուժողի հաշտեցումը։

Նշված խնդիրների լուծման համար պրոբացիայի ծառայությունը տարբերակում է պրոբացիայի յուրաքանչյուր շահառուի անձը, վերջիններիս համար մշակում է նրա ուղղման , վերասոցիալականացման և օրինապահ վարքագիծը խթանելու անհատական ծրագիր՝ հաշվի առնելով կատարած հանցանքը և անձի սոցիալ հոգեբանական վիճակը, ինչպես նաև պրոբացիայի ծառայության անչափահաս շահառուների լավագույն շահը։
Ամփոփելով կրկնահանցագործությունների նախականխման ուղղությամբ Արմավիրի մարզային բաժնի կողմից կատարված աշխատանքների արդյունքները ՝ արձանագրվեց , որ բաժնում հաշվառված 496 շահառուների / դատապարտյալների/ թվով 5 շահառուների նկատմամբ 2017թ-ին կրկին կայացվել է մեղադրական դատավճիռ , որոնցից 1 շահառու հանցագործությունը կատարած է եղել 2015 թ-ին, 2 շահառու՝ 2016 թվականին/ Ա/Գ 135/84֊ -15; Ա/Գ 187/261֊-16; Ա/Գ 166/654֊-17; Ա/Գ 117/ 17֊-16 ;Ա/ Գ 55/133֊-17։
2018 թ. 9 ամսվա ընթացքում մարզային բաժնում հաշվառում են անցել 546 շահառու , որոնցից 4 շահառուի նկատմամբ 2018թ-ին կայացվել է մեղադրական դատական ակտեր։
Ա/Գ 8/ 19֊ -18; Ա/Գ 126 / 339 ֊- 17 ; Ա/Գ 152/665֊ -17; Ա/Գ 46 / 133֊-18։

Ամփոփման տվյալներով 2017 թ.-ի ընթացքում մարզային բաժնում հաշվառում անցած շահառուների կրկնահանցագործությունները տոկոսային հարաբերությամբ կազմում է մոտ 1% , իսկ 2018 թվ֊ ի 9 ամսվա ընթացքում կազմում է 0,7%, որը ունի դրական / նվազեցման/ միտում։Քննարկվող հարցի շուրջ կատարված աշխատանքների վերաբերյալ ելույթ ունեցան մարզային բաժնի բոլոր աշխատակիցները։

Պարոն Ստեփանյանը դրական գնահատելով ուսումնասիրվող ժամանակատվածի ընթացքում մարզային բաժնի կողմից կրկնահանցագործությունների նախականխման ուղությամբ կատարված աշխատանքները ՝ հանձնարարեց աշխատակիցներին ակտիվացնել բաժնում հաշվառված շահառուների հետ տարվող սոցիալ հոգեբանական , վերասոցիալականացման միտված միջոցառումների և ծրագրերի իրականացումը , ակտիվորեն խթանել շահառուների վերաինտեգրումը հասարակությունում և վերջիններիս մոտ օրինապահ վարքագծի ձևավորման նպատակով տարվող աշխատանքները: