Խոտածածկ տարածքներում հրդեհներ են բռնկվել

Սեպտեմբերի 30-ից հոկտեմբերի 1-ը ՀՀ ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես՝ Երևան քաղաքի Վիլնյուսի փողոցի թիվ 4/3 շենքի մոտակայքում այրվել է 2000 քմ խոտածածկույթ, Երևան-Սևան ավտոճանապարհի 33-րդ կմ-ին՝ մոտ 3 հա, Շիրակի մարզի Շիրակի մարզի Արամ Խաչատրյան փողոցի թիվ 31 շենքի մոտակայքում՝ 2 հա, Հոռոմ-Գուսանագյուղ գյուղերի խաչմերուկի մոտակայքում՝ մոտ 2 հա, Արագածոտնի մարզի Օհանավան գյուղից դեպի Ծաղկեվանք տանող հատվածում՝ 1000 քմ, Արագածավան գյուղի մոտ՝ 30 հա, Կոտայքի մարզի Բարձրաշեն գյուղի մոտակա սարին՝ 180 հա, Հրազդան քաղաքի հեռուստաաշտարակին հարակից սարում՝ 2.5 հա, Դուրյան թաղամասում` Ռուսական դպրոցի մոտակայքում՝ մոտ 1 հա, «Ծովինար» ռեստորանի մոտակայքում՝ 1.5 հա, Աբովյան քաղաքի ջրմուղի մոտ՝ 1500 քմ, Ձորաղբյուրի ամառանոցներում՝ 2000 քմ, Բյուրեղավան քաղաքի ուսումնարանի հանրակացարանի ետնամասում՝ 2000 քմ, Նոր Գեղի գյուղի վերջնամասում՝ 1500 քմ, Վայոց ձորի մարզի Արին գյուղի «Սաման չխուր» կոչվող տարածքում՝ 15 հա, Հորս գյուղի «Խաչիկի պլանտաժ» կոչվող տարածքում՝ 1 հա, Տավուշի մարզի Տավուշ գյուղում գտնվող ջրամբարի մոտակայքում՝ 2000 քմ, Լոռու մարզի Կաթնաջուր և Գեղասար գյուղերի միջև ընկած սարալանջին՝ 18 հա, Արջուտ գյուղի աղբանոցի հարևանությամբ` 2000 քմ, Արարատի մարզի Ռանչպար գյուղի Նոր թաղամասի 6-րդ փողոցում՝ 2000 քմ, Գեղարքունիքի մարզի Արծվանիստ գյուղում՝ 600 հակ անասնակեր, Նորատուս-Մարտունի ավտոճանապարհին՝ «Դրախտ» լողափի մոտակայքում՝ 8000 քմ խոտածածկույթ, Մարտունի քաղաքի Մաշտոցի փողոցում՝ մոտ 350 հակ անասնակեր:

Բոլոր հրդեհները հրշեջ-փրկարարները մեկուսացրել են և մարել: