Ազատե՛լ ազգին այս աբսուրդից

Սփյուռքի չկայացած նախարար Մխիթար Հայրապետյանը հերթական անտրամաբանական արտահայտությունն է արել, որը կրկին խայտառակել է իրեն և իրեն վստահված ոլորտը՝ կարևորագույն Սփյուռքի նախարարութունը։

Պարզվում է՝ այս չորս-հինգ ամիսների ընթացքում որպես նախարար այդպես էլ չկայացած Հայրապետյանը չի կարողացել որևէ լուրջ հիմնավորում գտնել, թե, օրինակ, ինչո՞ւ չի ստացվում հայրենադարձություն և ներդրումներ ապարհովել երկրում և սույն պարոնի գլխում հղացել է մի ցցուն գաղափար։

«ԱԺ արտահերթ ընտրությունները, նախ և առաջ, ՀՀ քաղաքացիների հստակ պահանջն է, և Սփյուռքում այդ պահանջը սատարում են: Սփյուռքում կա հեղափոխության ոգևորությունը, սակայն ասում են, որ հեղափոխությունը որոշակիորեն կիսատ է թողնված, և այն լիարժեք կլինի միայն նոր խորհրդարանական ընտրություններից հետո»,-ասել է նա՝ շեշտելով, որ խոշոր՝ միլիոնավոր ներդրողների համար հստակ պահանջ կա՝ ընտրություններից հետո ավելի կոնկրետ կխոսեք։

Նախարար Հարությունյանի այս արտահայտությունը պարզապես նոնսենս է և չի տեղավորվում խելք ունեցող որևէ գլխում, իսկ երբ այն համեմատում ես վարչապետի գլխավոր խորհրդական Արսեն Գասպարյանի հաջորդիվ ասածի հետ, ըստ որի, ներդրողները նախևառաջ ոչ մի բանի էլ չեն սպասում, հասկանում ես, որ Սփյուռքի նախարարն այդպես էլ խելքի չի գալիս։

Հետաքրքական է, որ Հարությանյանը կառավարության միակ ձախողումը չէ. կառավարության նիստերին հետևելիս ականջդ ծակում է նրա երիտասարդ անդամների անտրամաբանական և բովանդակությունից զուրկ նախադասությունների շղթան, երբ ամենապրիմիտիվ հարցերի շուրջ անգամ չեն կարողաանում հստակ ձևակերպումներ հնչեցնել և շատ հաճախ առաջին դասարանցու կարողություններ են դրսևորում անգամ օրենքի նախագծի վերնագրի շուրջ ծավալված քննարկումների ժամանակ։

Օրինակ՝ երեկ՝ ցցուն գաղափարներ արտահայտելու մասով կրկին փայլել է Սփյուռքի նախարարը։

Կառավարության երեկվա նիստում քննարկվում էր «Հայաստանի Հանրապետության տոների եւ հիշատակի օրերի մասին» օրենքում լրացում կատարելու մասին նախագիծը։
Նախագծով առաջարկվում էր կառավարությանը լիազորել ըստ անհրաժեշտության աշխատանքային օրերը տեղափոխելու նաև չորս և ավելի պետությունների կամ կառավարությունների ղեկավարների միաժամանակյա այցի դեպքում:
Վարչապետը հետարքրքվեց՝ ինչո՞վ է պայմանավորված չորս և ավելի պետությունների կամ կառավարությունների ղեկավարների միաժամանակյա այցի ընդգծումը՝ նշելով, որ գուցե ճիշտ կլինի պարզապես «բացառիկ դեպքեր» ձևակերպումը։ 

Խոսելուց հետո միայն մտածելու «խասյաթ» ունեցող Մխիթար Հայրապետյանն էլ էլի տարավ- բերեց ու մի ցցուն գաղափար հղացավ, թե՝ հարցը կապված է կառավարության լիազորությունների հետ, և մտածում է` Ազգային ժողովում քննարկման առարկա կդառնա: 

Հանուն արդարության՝ պետք է ասենք, որ Փաշինյանը Մխիթարին ճիշտ ժամանակին տեղը դրեց՝ շեշտելով․ «Ձեր մեկնաբանություններն աբսուրդ են»։

Եվ հիմա հարց է առաջանում՝ այս աբսուրդը մինչև ե՞րբ պետք է հանդուրժենք․․․

NEWSPRESS.am