«Թույլ տվեք ասել, որ սա խայտառակ հայտարարություն է մի քանի մասով». Վարդան Հակոբյան

Ինչպես արդեն տեղեկացրել ենք, ՀՀ վարչապետի պաշտոնակատար Նիկոլ Փաշինյանն այսօր՝ հոկտեմբերի 19-ին, կապանցիների հետ հանդիպմանն ասել է, որ Սյունիքը Հայաստանի ողնաշարն է: Սյունիքով է անցնում Հայաստանն Իրանին կապող միակ ճանապարհը, որը որոշ մարդիկ երկու օր առաջ որոշել էին փակել: Երկրորդը՝ Սյունիքը Հայաստանի արդյունաբերական խոշոր կենտրոններից է: Սյունիքը ռազմավարական նշանակություն ունի:

«Սա պատմում եմ մարզպետի նշանակման տրամաբանությունը բացատրելու համար: Ցավոք սրտի, Սյունիքում շատ հաճախ արձանագրվում են թմրամիջոցների խոշոր խմբաքանակի ներմուծում Հայաստան՝ վտանգելով մեր երկրի հեղինակությունն ու մեր երիտասարդությանը: Ինձ համար կարևորագույն խնդիր է ջարդել նարկոտրաֆիկի ողնաշարը»,-ասել է Փաշինյանը՝ հավելելով, որ միամտություն կլինի կարծել, թե դրանով միայն օտարերկրացիներն են զբաղվում: 

Նիկոլ Փաշինյանի այս հայտարարության կապակցությամբ իր ֆեյսբուքյան էջում գրառում  է կատարել Վարդան Հակոբյանը: Այն ներկայացնում ենք ստորև.

«Թույլ տվեք ասել, որ սա խայտառակ հայտարարություն է մի քանի մասով։ Նախ, ըստ այս հայտարարության, նարկոթրաֆիկինգի մասնակցության մեջ մեղադրվեց Մեղրիի մաքդակետը, Տսրածքի ոստիկանապետը, մախկին մարզպետները, ընդր որում նրանցից ոչ մեկի նկատմամբ դեռ այդ հոդվածով մեղադրանք չկա։ Հետո փաստորռն հիմա էլ մեղադրվում է նույն հսմագերծակցեւթյան մռջ Օսիպյանն ու Վանեցյանը, կամ ուղակի մեղադրում է անգործության մեջ, ու վիճակն այնքան անհուսալի է, որ իրավապահնռրի գործը հիմա ստիպված պիտի ոստիկան֊մարզպետն անի։ Ավելի անհեթեթ պարզաբանում դժվար էր գտնել»։