Երևանի քաղաքապետի 1-ին տեղակալ Կամո Արեյանն ազատվել է աշխատանքից

Երևանի քաղաքապետի առաջին տեղակալ Կամո Արեյանը, որն այդ պաշտոնը զբաղեցնում էր 15 տարի՝ ազատվել է աշխատանքից:

Ինչպես տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, նրա լիազորությունները դադարեցվել են հոկտեմբերի 15-ին:

«Հիմք ընդունելով «Երևան քաղաքում տեղական ինքնակառավարման մասին» օրենքի 16-րդ հոդվածի 1-ին մասը, 17-րդ հոդվածի 6-րդ մասը, 48-րդ հոդվածի 4-րդ մասը, Հայաստանի Հանրապետության կենտրոնական ընտրական հանձնաժողովի 2018 թվականի սեպտեմբերի 30-ի հ.79-Ա որոշումը և 2018 թվականի հոկտեմբերի 10-ին տեղի ունեցած Երևանի նորընտիր ավագանու նիստը՝

1. Երևանի քաղաքապետի առաջին տեղակալ Կամո Արեյանի լիազորությունները օրենքի ուժով համարել դադարած՝ 2018 թվականի հոկտեմբերի 15-ից»,-ասված է համապատասխան որոշման մեջ: