Ուշ է...
Արթուր Մեսչյանը Երևանի գլխավոր ճարտարապետն է։ Հատկանշական է, որ հասարակությունը Մեսչյանին առավել ճանաչում է որպես երաժիշտ, կոմպոզիտոր ու բանաստեղծ։ Մի որոշ հատված էլ նույնիսկ չգիտի, որ Մեսչյանը նաև ճարտարապետ է։ Մեսչյանն է Մատենադարանի նոր մասնաշենքի, ինչպես նաև Կոմիտասի թանգարան-ինստիտուտի ճարտարապետը։ Այս ամենի հետ մեկտեղ պետք է ընդգծենք, որ կա նաև փաստ այն մասին, որ ԽՍՀՄ-ում առաջին ռոք խումբը հենց Արթուր Մեսչյանն է հիմնել։ Կարդալով ու ծանոթանալով Մեսչյանի կենսագրությանը՝ մենք տեսնում ենք, որ գործ ունենք մեծ հայի հետ։
Երբ օրեր առաջ Մեսչյանը նշանակվեց Երևանի գլխավոր ճարտարապետ, հասարակությունն ուրախացավ այս նշանակումից։ Չգտնվեցին մարդիկ, ովքեր դեմ էին, կամ անտրամաբանական էին համարում այս նշանակումը։ Այս նշանակումը, սակայն, ունի նաև մեկ այլ կողմ։
Թերթելով NEWSPRESS.am-ի էջերը՝ կարող եք տեսնել, թե քանի՞ անգամ ենք մենք անդրադարձել Երևան քաղաքի ճարտարապետական, մշակութային ու ընդհանրապես քաղաքի «գոյության» խնդրին։
Այս պահին կարելի է մատների վրա հաշվել այն մի քանի շենքերը, որոնք մնացել են կենդանի։ Լավագույն դեպքում պահպանվել են հին շենքերի արտաքին պատերը, որոնց վրա խոյանում են ժամանակակից անշուք ու տգեղ շենքերը։ Իրականում Երևան քաղաքն իր պատմական դեմքը չի պահել։ Մնացել են միայն Հանրապետության հրապարակը, Օպերայի շենքը, Երևանի պետական համալսարանի «Սև շենքը» ու այսպես մի քանի պատառիկներ։ Իրականում Մեսչյանի նշանակումը շատ ուշացավ։ Սա տրամաբանական է, քանի որ նախկին իշխանությունները չէին ցանկանա, որ գլխավոր ճարտարապետ լիներ մի մարդ, ով կկանխեր մի շարք օլիգարխների անօրինությունները։ Արդյունքում Երևան քաղաքը քանդած մարդիկ ազատության մեջ են, վայելում են կյանքն ու ազատությունը, իսկ փոխարենը չկա մի ամբողջ պատմություն։
Այս համատեքստում Արթուր Մեսչյանը Երևանի պահպանման գործում ոչինչ չի կարող անել։ Քանի որ չի կարող պահպանել մի բան, որն այլևս գոյություն չունի։ Լավագույն դեպքում Մեսչյանը կարող է թույլ չտալ, որ Օպերայի գլխին սրճարաններ ու շոգեբաղնիքներ կառուցեն, Հանրապետության հրապարակի շենքերը չապամոնտաժեն ու ԵՊՀ-ի «Սև շենքը» չքանդեն։
Մեսչյանի առջև դրված է Երևանի մի քանի պատառիկները պահպանելու բարդ ու պատասխանատու պարտականությունը։
Գագիկ Ծառուկյանին 2 անգամ փոքր մահճակալի վրա են ստիպել քնել, Արեգնազ Մանուկյանին արգելում են անգամ...
Ստեփանավանի քաղաքապետը տունը կառուցելուց հետո հյուրանոց է սարքում. «Ժողովուրդ»
Փաշինյանը որոշել է «ժերտվա տալ» մերձավորներին. «Հրապարակ»
Գագիկ Ծառուկյանը հայտարարություն է տարածել
Շահումյանցի Ժիրոն ու նրա «կլանը»՝ կրկին մեղադրյալի աթոռին. «Հրապարակ»
Դավթաշենում շենքի բակում հայտնաբերվել է 16-ամյա աղջկա մարմին
Պաշտոնանկություններ ՀՀ էկոնոմիկայի նախարարությունում. ArmLur.am
Ներիշխանական խմորումներ. ում են «քցել» և ում են դեռ «քցելու» ՔՊ-ականները՝ Փաշինյանի հրահանգով. «Հրապ...
Լարված իրավիճակ նիստին. Սուտ չեմ խոսում, տղամարդավարի խոսք տվեցիք, ձեր խոսքին տեր չկանգնեցիք
Իրանը հարվածել է Հորդանանում գտնվող ամերիկյան Ալ-Ազրաք ռազմաբազային
