Լավ է Աստծո կամքով մի որդ, ճիճու լինեի, քան մարդկանց կամքով թագավոր և իշխան․ Վարդան Ղուկասյան

«Ծառուկյան» խմբակցության պատգամավոր Վարդան Ղուկասյանը Գագիկ Ծառուկյանի հետ խնդիրներ չունի․ նրանք հարգում են միմյանց, բայց լրագրողների հետ զրույցում Ղուկասյանն առայժմ դժվարացավ պատասխանել հարցին՝ կլինի՞ ԲՀԿ ԱԺ ցուցակում, թե՞ ոչ։ Նա նկատեց, որ հարցը դեռ քննարկման փուլում է։ Ամեն դեպքում, նա նկատում է, որ անուն ձեռք բերելու համար, աթոռ պետք չէ։

«Լավ է Աստծո կամքով մի որդ, ճիճու լինեի, քան մարդկանց կամքով թագավոր և իշխան։ Աստված ոնց առաջնորդեց, այնպես էլ կլինի։ Փառք Աստծո, Վարդան Ղուկասյան անունը ձեռք եմ բերել առանց քաղաքապետ, ոչ էլ պատգամավոր լինելով։ Այսինքն՝ ես ապրած ունեմ, որ իմ ապրած կյանքն ինձ ցույց է տալիս, որ ես այս մարդն եմ»,- նշեց նա։

Անդրադառնալով հարցին, թե որպես հեղափոխության աջակից՝ ինչո՞ւ Վարդան Ղուկասյանը չի պահանջում Գյումրիի քաղաքապետ Սամվել Բալասանյանի հրաժարականը, վերջինս պատասխանեց․ «Ինձ սազական չէ՝ գնալ, կանգնել և ասել՝ հեռացի՛ր, բայց ես այն գլխից եմ ասել՝ հեռացիր։ Նա արաժանի չէ Գյումրու քաղաքապետի աթոռին»,–նշեց ա։