35 հազար դոլար՝ Ավինյանի չրի բիզնեսին. փոխվարչապետը հիմա կորցրե՞լ, թե՞ գտել է
Ինչպես տեղեկացնում է ՀԵՏՔ լրատվականը, փոխվարչապետ Տիգրան Ավինյանի հիմնադրած «Իրիգեյթ» ՍՊԸ-ն չրի արտադրությունը զարգացնելու համար այս տարի 35 հազար ԱՄՆ դոլար դրամաշնորհ է ստացել Գյուղատնտեսության զարգացման հիմնադրամից:
Սա ապտակ է թավշյա հեղափոխությունն ու դրան հավատացող յուրաքանչյուր ՀՀ քաղաքացու:
Ի՞նչ է ստացվում՝ ՔՊ-ականներն իրենց գծած ուղով չե՞ն տարբերվելու ՀՀԿ-ականներից:
Արդյո՞ք Փաշինյանը տեղյակ է, որ իր Կառավարությունում աշխատող փոխվարչապետը բիզնես գործունեությամբ է զբաղվում: Զբաղվում է, հերիք չէ՝ նաև պետական ռեսուրսն է դրան ծառայեցնում, իսկ ասվածի ապացույցն ահա ՀԵՏՔ-ի հետաքննությունն է:
2018թ. մարտի 15-ին «Իրիգեյթ» ՍՊԸ-ն և այլ ընկերություններ հիմնադրամ են ներկայացրել թվով 49 բիզնես-հայտեր: Դրանից 16-ը մերժվել է, համաձայնագրեր են կնքվել 26 ընկերությունների հետ, այդ թվում` «Իրիգեյթ» ՍՊԸ-ի: Ընկերության հետ պայմանագիր է կնքվել օգոստոսի 1-ին:
Տիգրան Ավինյանը 2018թ. մայիսի 25-ին փոխվարչապետ էր, իսկ «Իրիգեյթ» ՍՊԸ-ի մասնակիցների ցանկից դուրս է եկել դրամաշնորհի մրցույթում հաղթող ճանաչվելուց հետո՝ 2018 թվականի հունիսի 5-ին:
Իր հարցազրույցներից մեկում Տիգրան Ավինյանը նշել է, որ չի անհանգստացել, որ կարող է կորցնել ունեցածը, ու որոշել է փոխել Հայաստանը:
Հիմա հարց է առաջնում՝ Ավինյանը կորցրե՞լ, թե՞ գտել է:
Օր ու գիշեր բիզնեսն ու քաղաքականությունն իրարից տարանջատելու բիզնեսմեն քաղաքական գործիչներին աջ ու ձախ ծեփելու, պետական կառավարման ապարատն անհասանելի դարձնելու՝ մեր Կառավարության ղեկավարի պաշտոնակատարի հայտարարություններն այս կետում հակադրվում են իրականությանը, որը ռեալ է՝ զերծ էյֆորիայից և էմոցիաներից:
Հիմա հարց է առաջանում՝ ո՞րն է լինելու Նիկոլ Փաշինյանի հաջորդիվ անելիքը՝ կրկին խոսել բիզնեսի և քաղաքականության սերտաճման անհնարինությունի՞ց, թե՞ գիտակցել, որ իր թիմակիցներն. ինչպես Ռոբերտ Քոչարյանը կասեր, մինչև ականջների ծայրը թաղված են բիզնեսի մեջ, և լռել ու լռել...
Հետաքրքիր է՝ իրավապահ մարմինները կնախաձեռնե՞ն քննություն՝ պարզելու համար Տիգրան Ավինյանի չրի բիզնեսին բաժին հասած 35 հազար դոլարի պատմությունն ու ո՞ւր կտանեն արդարացի քննության հետքերը:
Լուսանկարը՝ Մեդիամաքսի
Վերին Լարսը փակ է. Վրաստանը տարհանում է տեղի բնակիչներին (տեսանյութ)
Մեր պետական կառույցներում չգիտե՞ն, թե փայլաթիթեղն ինչ նպատակով կարող է օգտագործվել Ադրբեջանում
Ադրբեջանը Հայաստանի գյուղերում ուսումնասիրություն է իրականացրել, որում Արարատի Նորամարգ գյուղը ներկա...
Շոու-բիզնեսով զբաղվողի ու իրական արտիստի սահմանը. արժեքներ, որոնք փողով չեն չափում
Դալար գյուղում ոստիկանը վրաերթի է ենթարկել կնոջն ու նրա 6-ամյա որդուն և դիմել փախուստի. գործը փորձու...
Չամարձակվեք այլևս Ծառուկյանի անունը տալ, դուք «պրավալ» տվեցիք, հիմա փորձում եք մեղքը գցել Ծառուկյանի...
Ինչո՞ւ են «Գադիան» գրուպի մրցակից պահնորդներին զենքի քննությունից «աջ ու ձախ կտրում». ի՞նչ կապ ունի ...
Կարծում եք՝ պատից նկարը հանելով՝ հերոսի՞ն էլ եք ջնջելու. ջնջել են Ալբերտ Հովհաննիսյանի նկարը
Մակրոնի կնոջը տղամարդ անվանած լրագրողը մահացել է հենց դատը շահելու օրը. մանրամասներ
Հայաստանի անկախությունը՝ Ադրբեջանի դրոշի գույների ներքո․ պատահականությո՞ւն, թե՞ քաղաքական ուղերձ (տե...
