Դու գնացիր և ողջ աշխարհը քեզ հետ տարար

Այսօր անսպասելի հայտարարություն տարածեց Ազգային Ժողովի ՀՀԿ-ական պատգամավոր Կարեն Կարապետյանը: ԱԺ արտահերթ ընտրությանը չի մասնակցելու:

Կարապետյանը ՀՀԿ անդամ է, կուսակցությանն անդամակցել է 2006 թվականին՝ Սերժ Սարգսյանի հետ,: Նա մշտապես կարևոր բարձր դիրք է զբաղեցրել ՀՀԿ-ում, 2018 թվականին էլ վարչապետի հավակնորդ էր։

Ավելի վաղ մամուլը գրել էր, որ Կարեն Կարապետյանն իր եղբոր՝ Սամվել Կարապետյանի հետ ձեռք է բերել պայմանավորվածություն՝ Կարապետյանին վարչապետ կարգել՝ դրա դիմաց ստանալով խոշոր ներդրումներ, և այդ խոստման առաջին ծիծեռնակը ներդրողների ակումբն էր, որից հեղափոխությունից հետո «ոչ անունը մնաց, ոչ ամանումը»։ 

Պատգամավոր Կարեն Կարապետյանի հաջորդ քայլն արդյո՞ք լինելու է ՀՀԿ անդամակցությունը դադարեցնելն ու ՀՀԿ-ից որոշակի զանգվածի հետ նոր կուսակցություն հիմնելը՝ հայտնի կդառնա մոտ ապագայում, միայն հիշեցնենք, որ այդ մասին խոսակցություններ ևս թևածում էին մամուլում, որոնք ջանասիրաբար հերքում էր Կարապետյանը։

Հիշեցնենք, որ նա 2017 թվականի ապրիլին առաջադրվել էր ռեյտինգային ընտրակարգով և համարվել ամենաշատ ձայներ հավաքած պատգամավորներից մեկը: 

Արդյո՞ք այդ ընտրազանգվածն այժմ Կարապետյանը կօգտագործի սեփական քաղաքական թիմն ունենալու համար՝ ցույց կտա ժամանակը։

Այստեղ տեղին է հիշել, որ Կարապետյանը երբեք էլ հաշտ չի եղել ՀՀԿ-ականների հետ, ՀՀԿ-ական լինելով՝ աչքի է ընկել նրանց քննադատությամբ։

Կարապետյանը, ըստ էության, եղբոր հետ միասին եղել է մեր տնտեսության կարևոր դերակատարներից մեկը և հիմա հարց է առաջանում՝ արդյո՞ք ՀՀԿ-ից հեռանալով՝ այդ դերակատարումը կհավասարեցվի նվազագույնի և ի՞նչ կշահի ՀՀ-ն դրանից՝ մասնավորապես։

NEWSPRESS.am