Հիփոթեքային ծրագիրը հակապետական է․ ինչպես կարող է սպան հիփոթեքով տուն ձեռք բերել (տեսանյութ)

«Նախկինների ընդունած որոշումները նոր իշխանությունը սվաղումб գնում ա»: Կառավարության դիմաց նման դիտարկում արեցին նախկին սպաները, ովքեր եկել էին իրենց բնակարանային հարցերը լուծելու ակնկալիքով:

Դեռ նախորդ իշխանության ժամանակ ընդունվեց օրինագիծ, որն աջակցում էր  զինծառայողներին մատչելի բնակարան ձեռք բերելու հարցում: Սակայն այս ծրագիրը ուներ բացթողումներ, և ըստ էության, այն իրենից ենթադրում էր հիփոթեքային վարկավորմամբ բնակարանների ձեռքբերում:

Նրանք տարիներ շարունակ գրանցված են բնակարան ստանալու համար, սակայն մինչ օրս անօթևան են: 

«Էնքան են անելու, որ մեռնենք, ու արդեն մեզնից եղել են մահացողներ: Հարցերն էդպե՞ս են լուծում»,- ասաց նախկին զինծառայողներից մեկը: 

Զինվորականները հեղափոխությունից առաջ էլ են դիմել այս հարցով, հեղափոխությունից հետո էլ, սակայն առաջընթաց չկա: 

Մոտ մեկ ամիս առաջ հանդիպում են ունեցել Պաշտպանության նախարարությունում, իրենց պատմել են հողամաս, հողակտոր տալու նախագծի մասին, սակայն նախկին զինծառայողները նկատում են՝ դրանք լոկ խոսքեր են, թող փաստաթղթով, որոշմամբ հաստատված ցույց տան, որ հավատանք:

Նրանք հիփոթեքային ծրագիրը համարում են հակապետական ծրագիր, քանի որ ոչ մի զինծառայող չի կարող հիփոթեք փակվել:

«Հիփոթեքով տունը կվերցնեն, վարձով կտան, որ այդ վարձով փակվեն հիփոթեքը, դա հակապետական ծրագիր է: Ո՞վ է տեսել սպաներին հիփոթեքով տուն տան, գոնե Ռուսաստանի նման անեն»,- ասում են նախկին զինծառայողները, ովքեր վճռական են տրամադրված և հարցի լուծման համար պատրաստ են ամեն ինչի:

«Ասում են՝ փող չկա, բա Փաշինյանն իր 100 օրվա հաշվետվության ժամանակ ասում էր, թե սա ու նա էսքան փող ունեն գողացած, բա դրա կեսը, եթե հետ բերի, մեր հարցերը կլուծի: Ինչի՞ չի բերում»,-ասաց սպաներից մեկը:

Մանրամասները՝ տեսանյութում