«Բա որ Գալուստ Գրիգորիչը ասում էր՝ ծափ կտաք իմ գալուն, տեսա՞ք, որ ծափ տվեցիք»

Այսօր նոյեմբերի 16-ի Ազգային ժողովի նիստում, ԱԺ նախագահ Արա Բաբլոյանը երկար ժամանակ չէր կարողանում սկսել նիստը:

Քվորում ապահովելու համար անհրաժեշտ էր առնվազն 58 պատգամավոր, սակայն գրանցվել էր 51-ը: Շուտով այն դարձավ 52:

Արա Բաբլոյանն առաջարկեց սկսել գրանցումը, մինչև հավաքվեն բոլոր պատգամավորները: Ավելի քան 10 րոպե պատգամավորների թիվը չէր անցնում 52-ից: Նրանք սկսեցին դժգոհել, որ նիստը չի սկսվում, սակայն Բաբլոյանը նկատեց, որ եթե հիմա գոնե մեկ պատգամավոր էլ գա և դառնան 53, ապա կսկսի նիստը, հակառակ դեպքում օրինագծերի քվեարկության ժամանակ քվորում չի ապահովելու:

Նիստից մոտ 30 րոպե անց, ուշացումով նիստերի դահլիճ մտավ Հանրապետական խմբակցության պատգամավոր, ԱԺ նախկին խոսնակ Գալուստ Սահակյանը: Ու քանի որ այն որոշիչ էր նիստն սկսելու համար՝ բոլորը ծափողջյունով դիմավորեցին «մաեստրոյին»:

Արա Բաբլոյանը կատակով նկատեց.

«Բա որ Գալուստ Գրիգորիչն ասում էր՝ ծափ կտաք իմ գալուն, տեսա՞ք, որ ծափ տվեցիք»: