Նոր սկանդալ ու բացահայտումներ․ Սերգեյ Մագնիտսկիին հնարավոր է՝ թունավորել է Hermitage Capital-ի տնօրենը

Ռուսաստանի գլխավոր դատախազությունը բրիտանական Hermitage Capital ընկերության տնօրեն Ուիլյամ Բրաուդերի դեմ գործ է հարուցել՝ հանցավոր խմբի ստեղծման մեղադրանքով: Քննությամբ հայտնաբերվել են Կիպրոսում, Լատվիայում ու Շվեցարիայում գրանցված ընկերություններ, որոնք հարյուր հազարավոր դոլարներ են լվացել՝ ի շահ Բրաուդերի: 

Բացի դրանից, հնարավոր է, որ հենց բրիտանացի տնօրենն է մեղավոր իր ընկերության փաստաբան Սերգեյ Մագնիտսկու մահվան մեջ: Վերջինիս օրգանիզմում թունավոր նյութեր էին հայտնաբերվել և ենթադրվում է, որ Մագնիտսկիին թունավորել են: Բրաուդերն արդեն երկու անգամ դատապարտվել է տարբեր հանցագործությունների մեջ, այդ թվում՝ հարկերից խուսափելու և դիտավորյալ սնանկացման համար, սակայն ինքը՝ մեղադրյալը, իր մեղքը չի ընդունում:

Հիշեցնենք, որ Hermitage Capital ընկերության փաստաբան Սերգեյ Մագնիտսկին 2008 թվականին կալանավորվել էր , քանի որ կասկածվում էր, որ օգնել է Բրաուդերին հարկերից խուսափել: Մագնիտսկին իր մեղքը չէր ընդունում և հայտարարում էր, որ կոռուպցիոն մեխանիզմ է հայտնաբերել օրինապահ ուժերի վերին էշելոններում, ինչի հետևանքով 5.4 միլիարդ ռուբլի է գողացվել: 2009 թվականին Մագնիտսկին հանկարծամահ է լինում մեկուսարանում, իսկ մահվան պատճառը նշվում է ուշ հայտնաբերված հիվանդություն, որը անհամատեղելի էր կյանքի հետ: 2013 թվականից Մագնիտսկու գործը փակված է: