Մարիամ Փաշինյանի շռայլություններն ու մոր հերքումները. մի՞շտ էին ծննդյան օրերին 2000 դոլար ծախսում (լուսանկարներ)

Վարչապետի ժ/պ-ի տիկին Աննա Հակոբյանը մի հետաքրքիր դիրք է բռնել՝ հեզիկ-նազիկ-անուշիկ կին, ով հարցազրույցների ժամանակ փախցնում է հայացքը, խոսում է ամոթխածությամբ, զուսպ, ցածր տոնայնությամբ՝ ի նշան ծով համեստության:

Բայց...չեն դադարում խոսակցությունները Հակոբյանի՝ ճոխությունների սիրահար լինելու, ամուսնու վրա մեծ ազդեցության, կադրերի ազատման և նշանակման իր մասնակցության մասին: Ինֆորմացիաները թեպետ հիմնականում հերքվում են Հակոբյանի կողմից, սակայն երբեմն խիստ ուշադիր մարդիկ նկատում են, որ հերքված ինֆորմացիաները կրկնակի հերքման կարիք ունեն:

Սեպտեմբերի 7-ին «Իրատես» թերթը գրեց, որ վարչապետի տիկինը մինչև ատամները զինված թիկնապահների ուղեկցությամբ թանկարժեք «շոփինգ» է արել Փարիզում, հաջորդ օրն, իհարկե, հրապարակումը հերքվեց Աննա Հակոբյանի կողմից: Վերջինս հրապարակեց իր գնումների լուսանկարը՝ խաղալիք, մարզակոշիկ, պայուսակ, նշեց նաև, որ մի մասի գումարը վճարել է Ֆրանսիայում մեր երկրի դեսպանը:

Հետաքրքրական էր, սակայն, այն հանգամանքը, որ ավելի վաղ՝ օգոստոսի 13-ին վաղ առավոտյան ժամը 9:44-ի դրությամբ արդեն մամուլում վերահրապարակված լուսանկարներում (ակնհայտ է, որ լուսանկարը Մարիամի էջում ավելի շուտ է հրապարակվել, քան կայքում), ուր Մարիամ Փաշինյանն Արցախում հանդիպել էր բանակային եղբորը, հագել էր այն նույն մարզակոշիկը, որը մայրը ներկայացնում էր իբրև Փարիզում կատարած առևտուր:

Մինչդեռ օգոստոսի 12-ին Աննա Հակոբյանը դեռևս Փարիզում էր, եթե դրան էլ գումարենք այն հանգամանքը, որ կոշիկները դեռևս տուփում էին, տիկնոջ, մեղմ ասած, անազնվությունն ու ժամանակային հակասությունն ակներև կդառնա: Պարզ է, չէ՞, որ Աննա Հակոբյանի՝ սեպտեմբերի 8-ի հրապարակած լուսանկարում ներկայացրած կոշիկներն ամենևին էլ Ֆրանսիայում կատարված իրական շոփինգը չէր: 

Նմանատիպ մի «հերքում» էլ Աննա Հակոբյանը կատարեց օրերս, երբ մամուլը կրկին գրեց ընտանիքի թույլ տրված ճոխությունների մասին, մասնավորապես, բավականին ճոխ ռեստորանում՝ «Մոնարխում», Մարիամ Փաշինյանի ծննդյան օրն էին նշվել և ծախսել շուրջ 2000 դոլար:

Գումարի չափը հայտարարել էր Հակոբյանը և գերթանկ բառն էլ առել չակերտների մեջ, իբրև՝ «դե դրա ինչն էր թանկ»:

Ժամանակին իր ամուսինն էր խորհրդարանի դահլիճում ամոթանք տալիս իշխող ուժին շռայլությունների համար, քանի որ նույն ժամանակ ժողովուրդն ապրում էր աղքատության մեջ, իսկ հիմա հերթն իրենցն է՝ ծախսել այնքան, ինչքան քայլել են, չխորշել մտքից, որ շուտով դեկտեմբերի 7-ն է, արդեն 30 տարի ավերիչ երկրաշարժից հետո դեռ Գյումրին ավերակ է, իսկ Մարիամ Փաշինյանն իր 20 ամյակի տոնակատարությանը ծախսում է 2.000 դոլար, իսկ մայրը նեղսրտում, թե ինչու է մամուլն այդ մասին գրում, իբրև սովորական բան է հայկական իրականության մեջ, որ 20-ամյակները նշվում են այդ ռեստորանի պես թանկարժեք վայրերում: Եվ դեռ կոշիկների պատմությունից հետո հարց է՝ իսկապե՞ս այդ իսկապես գերթանկ ռեստորանը Փաշինյաններին միայն 1 մլն է արժեցել: 

Ինչևէ: Չմանրանանք: Միայն հիշենք այն հանգամանքը, որ վարչապետ նշանակվելու սկզբնական շրջանում բազմիցս ներկայացվում էր այս ընտանիքի ապրելակերպը, խոսվում էր նրանց հասարակ կենցաղի մասին, ցույց էր տրվում նրանց ամենասովորական բնակարանը, Աննայի՝ շատ հասարակ առևտուրը սուպերմարկետից, կամ ներկայացվում էր Սիփան Փաշինյանի՝ մեքենա չունենալու, բայց տաժանակիր աշխատանք կատարելու պատմությունը:

Ծախսե՛ք, իշխանիկներ, ծախսե՛ք այնքան, ինչքան աշխատում եք, դուք այդ նպատակով էլ վերցրել եք իշխանությունը:

NEWSPRESS.am