Ինչո՞ւ հենց հիմա...

Ազգային ժողովի արտահերթ ընտրությունների քարոզարշավի առաջին օրը երևան եկան իրար ատող քաղաքական ուժերը, որոնք միմյանց նկատմամբ ատելությունն այս ողջ ընթացքում փորձում էին խնամքով թաքցնել:

Այդ ուժերի թվում հակասական տրամադրություններ տարածողներից մեկը «Սասնա Ծռեր» կուսակցությունը, կամ որ նույնն է՝ զինված խմբավորումն էր, որը վարչապետի պաշտոնակատարից ապտակ ստացավ իր ինքնավստահ որոշ արտահայտությունների համար: Դե սա բնական է, քանի որ թևակոխել ենք մի ժամանակաշրջան, երբ բոլորը պետք է հաստատեն կամ կրկնեն այն, ինչ ասում է Փաշինյանը, հանկարծ «չշշկռեն»:

«Սասնա Ծռեր»-ի նկատմամաբ բացասական վերաբերմունքով աչքի ընկան նաև դաշնակցականները, թեև այս կուսակցությունն իր գաղափարախոսությամբ շատ նման է Հայ հեղափոխական դաշնակցությանը: Այս երկու կուսակցություններն էլ իրենց հիմքում դրել են ազգային արժեհամակարգը, «Սասնա Ծռեր»-ի առանցքային դերակատարները նախկին դաշնակցականներ են, երկու ուժերն էլ ունեն հեղաշրջման փորձ, դաշնակցակաները հայտնի են իրենց 30-ի գործով. փորձեցին հեղաշրջում իրականացնել, արդյունքում շատերը հայտնվեցին բանտում, հետո դարձան քաղբանտարկյալներ, հետո՝ Ազգային ժողովի պատգամավորներ:

Եվ հիմա այդ պատգամավորներից մեկը՝ Արմեն Ռուստամյանն ասում է, որ «Սասնա Ծռեր»-ն իրենց նման չեն ու հիշեցնում՝ երեք մարդու արյուն կա, պետք է պատասխան տան:

Իսկ ինչո՞ւ այդ մասին նրանք չէին հիշում, երբ ազգային համաձայնության Կառավարության մաս էին կազմում, ինչու չէին քննադատում Փաշինյանին, երբ վերջինիս «դաբրոյով» արնոտ ձեռքերով նախկին դաշնակցականները դուրս եկան բանտից. սրանք հարցեր են, որոնց պատասխանը պետք է տա «Սասնա Ծռեր»-ից պատասխան պահանջողը:

NEWSPRESS.am