Հարցրեք Ս. Միքայելյանին՝ 1994-ին Օմարի բարձունքներն ինչպե՞ս զիջվեցին հակառակորդին, և ո՞ւմ էր ուզում Վ. Սարգսյանը գնդակահարել. Շահնազարյան (տեսանյութ)

ՀՀԿ համամասնական ցուցակով առաջադրված Դավիթ Շահնազարյանն այսօր հրավիրված մամուլի ասուլիսում անդրադարձել է Սասուն Միքայելյանի հայտնի արտահայտությանը՝ Արցախի և հեղափոխության կարևորության վերաբերյալ: 

«Հարց տվեք Սասուն Միքայելյանին, թե 1994 թվականի հունվարի առաջին կեսին Օմարի բարձունքներն ինչպե՞ս զիջվեցին հակառակորդին, ո՞վ էր էդ հրամանատարներից և ո՞ւմ  էր ուզում Վազգեն Սարգսյանը պատերազմի ժամանակ նախատեսված ամենախիստ պատժի ենթարկել՝ գնդակահարել և ովքե՞ր նրան համեզեցին դա չանի: Հարցրեք այդ հանգամանքները՝ ո՞վ է եղել, ո՞նց է եղել: Թող բոլորն իրեն հարցնեն դա, ես չեմ պատասխանելու այդ հարցին: Ընդհանրապես թող էդ մանրամասները մի  հատ ինքը պատմի, կարող ա ասում ա՝ ես տեղեկություն չունեմ»,- նշեց Շահնազարյանը՝ ավելացնելով հարցերի շարքը: 

«Այդ ի՞նչ ստորաբաժանումներ էին, որոնք վերադարձրին այդ դիրքերը: Ասեմ, որ այդ դիրքերը չափազանց մեծ վտանգ էր ստեղծել մեզ համար, որովհետև թշնամու համար բաց էր ճանապարհը մինչև Քարվաճաառի խորքերը: Հունվարի 22-ից սկսվեց այն դիրքերը վերադարձնելու գործղությունը, որն իրականացնում էր ԼՂ ինքնապաշտպանության բանակի Ասկերանի գունդը, որն ուժեղացված էր, նրան կցված էին մի քանի այլ ստորաբաժանումներ: Այդ գնսդի հրամանատարը Վիտալի Բալասանյանն էր, այդ գնդի գումարտակկներից մեկի հրամանատարն Արշավիր Ղարամյանն էր: Երկուսն էլ հիմա գեներալներ են՝ քաջ հայտնի, և վարչապետը, երբ սկսել էր իր հարձակումը ԼՂ իշխանությունների և գեներալների վրա, նաև այս երկու հերոսներին նկատի ուներ»,-ասաց պատգամավորի թեկնածուն: