Ի վերջո, ո՞վ է բանավեճից հայտնի Գևորգը. Մարուքյանի տարբերակը

Երեկ արտահերթ խորհրդարանական ընտրություններին մասնակցող 11 քաղաքական ուժերի առաջին համարները շուրջ 3.5 ժամ բանավիճեցին Հանրային հեռուստաընկերությհան եթերում: Բանավեճից հետո ամենահաճախ տրվող հարցերից մեկն էլ ոմն Գևորգի մասին էր: Ո՞վ էր Գևորգը, ում մասին ակնարկում էր Գագիկ Ծառուկյանը, որ ընտրություններում աջակցել է Էդմոն Մարուքյանին:

«Որ դու պատգամավոր էիր ընտրվում, ո՞վ էր քեզ աջակցում»,- հարցել էր Ծառուկյանը Մարուքյանին: «Ժողովուրդը, գնացեք Վանաձոր, հարցրեք»,-պատասխանել էր Մարուքյանը: «Ե՞ս գնամ, դու Գևորգին ճանաչո՞ւմ ես, թե՞ չէ»,- հարցրել էր Ծառուկյանը: Դրանից հետո շատերի մոտ հարց էր առաջացել, թե ով է Գևորգը:

«Գևորգը ըմբշամարտիկ ա, սպորտսմեն տղա ա, ազգանունը Շահինյան»,-արդեն այսօր՝ քարոզարշավի ժամանակ, ասաց Մարուքյանն ու նշեց, որ Գևորգի հետ միասին են ծառայել: Ըստ Մարուքյանի՝ Գևորգը մի քանի անգամ առաջարկել է  հանդիպել Ծառուկյանի հետ, սակայն ինքը մերժել է: 

Մարուքյանը նշել է նաև, որ իրեն և Ծառուկյանին ծանոթացրել է Խաչիկ Գալստյանը՝ նրա խոսնակը: 

Հիշեցնենք, որ ԲՀԿ առաջին համարը «Լուսավոր Հայաստանի» առաջին համարից հետաքրքրվել էր, թե բացի խոսելուց ի՞նչ է արել խորհրդարանում: Նա նաև ակնարկել էր, որ ոչ միայն Գևորգը Մարուքյանի քարոզարշավն է կազմակերպել, այլև ինքը Գևորգի միջոցով պետք է հանդիպեր Ծառուկյանի հետ: Սակայն, իրեն ասել են, որ նրա թղթերը պակաս է, և Մարուքյանը չի գնացել նրա մոտ: Ի պատասխան Մարուքյանի հայտարարության, թե իրեն են առաջարկել Ծառուկյանի հետ հանդիպել, ու ինքն էլ մերժել է, Ծառուկյանը նշել էր, թե իրենք են Մարուքյանին անցկացրել և միայն Մարուքյան թղթերի պակաս լիենլու պատճառով իրենց հանդիպումը չի կայացել: Վերջում Ծառուկյանը հորդորել էր դեմագոգիայով չզբաղվել: