Թուլեքիդ պատուհանիս տակից հավաքիր, թե չէ թմրավաճառ քեռուդ արկածները կպատմեմ. Արիանա Հովսեփյանը՝ պաշտոնյային

Միջազգային երկու խոշորագույն լրատվական կառույցի՝ SEEMO-ի և IPI-ի խորհուրդների անդամ, NEWSPRESS.am-ի հիմնադիր-տնօրեն Արմենուհի (Արիանա) Հովսեփյանը ֆեյսբուքյան իր էջում գրել է.

«Հե՜յ, նախկին ռեժիմի ոտնատակին ծառայած, ներկա իշխանականներին ամեն կերպ հաճոյանալ ցանկացող, սրբի լուսապսակը դեմքին, իրեն երկնքում, ոտներն էլ ամպոտ պատկերացնող նորաթուխ պաշտոնյա:

Որ փորձելու էիր ինձ ամեն կերպ լռեցնել, էն գլխից էր պարզ, բայց որ այդքան «էժան» ճանապարհով ու սարքովի արգումենտներով, չէի պատկերացնի:

Ճտերդ (հասկացիր՝ թուլեքդ) մեղք են, հավաքիր պատուհանիս տակից, ցուրտ է, մեկ էլ տեսար անձրև ու ձյուն եկավ գլխներին, հետո կհիվանդանան, տիրություն կկարողանա՞ս անել:

Իսկ էն, որ քիթդ անձնական տարածքս ես փորձում մտցնել... շատ չմանրանամ, ուղղակի ասեմ, որ հարցականներ է թողնում սեռիդ արժանի ներկայացուցիչը լինելու վերաբերյալ: Էս անտեր աշխարհն ախր էնքան է փոքր, մարդիկ էլ խոսել շատ են սիրում...

Ասածս ի՞նչ է, օ՜, քեզ Բարձրյալ պատկերացնող, բայց ամենահասարակ չինովնիկ, հավաքիր քեզ ու ձագերիդ, թե չէ՝ մեկ էլ տեսար որոշեցի խոսել քեռուդ արկածներից: Դե էն էլի, որ Կրասնոդարում է ունեցել: Դե էն էլի վայ, որ թմրանյութ վաճառելու հետ էր կապված: Մանրանա՞մ, թե ոնց ու ինչ գնով ես հարցերը լուծել, թե՞ խելքդ հերիքում է, որ ճիշտ կողմնորոշվես...»: