«Ինձ խայտառակ ես անում»․ զինակոչիկը հրաժարվել է լրացուցիչ ստուգումից և խնդրել է առաջնագիծ գնալու համար

ՊՆ մամուլի խոսնակ Արծրուն Հովհաննիսյանն ֆեյսբուքյան իր էջում տեղադրել է նորակոչիկի լուսանկար, որտեղ նրան գրկել է Պաշտպանության նախարար Դավիթ Տոնոյանը։

«Շատ սիրուն նկար շատ հուզիչ պատմությամբ:

Քանի որ գրեթե դեմքը չի երևում ով է, ապա պատմեմ:

Զինվորը կամավոր խնդրում էր առաջնագիծ գնալու համար: Ծնողը նախարարին խնդրում էր, թե բա երեխան խնդիրներ ունի, գոնե լրացուցիչ զննություն արեք: Նախարարը հանձնարարեց, որ լրացուցիչ ստուգեն, զինվորը արցունքները աչքերին հորն ասում է.

«Ինձ հինգ ընկերոջս մոտ խայտառակ ես անում, հինգով իրար հետ կամավոր գնում ենք առաջնագիծ, դու ինձ հիվանդ ես հանում»»,- լուսանկարին կից գրել է Արծրուն Հովհաննիսյանը։