«Մաքրման աշխատանքներ կլինե՞ն, թե՞ անիվների վրա հույս դնենք»․ քաղաքապետարանի սուտը` փողոցի սառույցների վրա (ֆոտո, վիդեո)
Երևանի քաղաքապետի մամուլի խոսնակ Հակոբ Կարապետյանը ֆեյսբուքյան իր էջում տեղադրել է լուսանկարներ և գրառել, թե «ձնամաքրման աշխատանքներն սկսել են»։
Բայց երևի ինքն էլ հասկանալով, որ իրավիճակը այնքան էլ իր նկարագրածին համահունչ չի կարող լինել, մինչ այդ, երևի ապահովության համար, ամեն դեպքում նաև զգուշացրել է վարորդներին՝ հանկարծ ամառային անվադողերով չերթևեկել։
Այս գրառման ներքո օգտատերերից մեկը նույնիսկ գրառել էր․
Արմեն Խաչատրյան․ «Իսկ մաքրման աշխատանքներ լինելո՞ւ են, թե՞ մենակ ռեզինի անիվների վրա հույս դնենք ))))))»․․․
Ինչևէ․․․ ճիշտ այն պահին, երբ քաղաքապետարան մամուլի խոսնակը ճոխ-խոխ նկարներ էր հրապարակում ու վստահեցնում, թե ձնամաքրման աշխատանքներ են իրականացվում՝ սառած փողոցների անմխիթար վիճակի հետևանքով վթարներ էին տեղի ունենում․․․
Կոնկրետ այս տեսանյութում Կոմիտասի պողոտայում գտնվող «Երևան սիթի» սուպերմարկետի տարածքն է, որտեղ, ենթադրյալ մաքրման աշխատանքների ժամանակ (այն էլ արդեն երրորդ մաքրման ժամանակ, ինչպես խոսնակն է գրառել իր էջում) տեղի է ունեցել վթար։
Հաջորդ տեսանյութն ավելի ողբերգական է։ Կանչի շտապող Շտապօգնության մեքենան չի կարողանում հաղթահարել փողոցի սառույցը։ Քաղաքացիներն ստիպված հրում են մեքենան։
Եվս մի ողբերգական ավտովթար էլ մեկ այլ փողոցում․․․
Մի խոսքով՝ առավոտյան համացանցը հեղեղված էր վթարների տեսանյութերով։ Ու մինչ խոսնակ Կարապետյանը, հավանաբար քաղաքապետ Հայկ Մարությանի հեղինակությունն ու կաշին փրկելու համար, երկու մեքենայի լուսանկար է հրապարակում ու հայտարարում, թե ճանապարհները մաքրվում են, դեռ առավոտյան էլ փողոցներում շարունակում էին ավտովթարներ տեղի ունենալ։
Ժամը 09։00-ի սահմաներում 3 մեքենայի շղթայական վթար է տեղի ունեցել Դավիթաշենի կամրջի հատվածում։ Նույն ժամանակահատվածում միանգամից 5 մեքենայի շղթայական վթար տեղի է ունեցել Քանաքեռում։ Սրանք միայն այն տեղեկություններն են, որոնք մինչ նյութի հրապարակումը ն մեզ հայտնել են ականատեսները։
Հնարավոր է՝ քաղաքապետարանը հայտարարի, թե ձյունն անակնկալ էր, սակայն հարկ է նկատել, որ դեռ 5 օր առաջ հիդրոմետ առայությունից զգուշացրել էին տեղումների մասին։ Սակայն, հավանաբար, Հայկ Մարությանը իր weekend-ն էր վայելում և տրամադրված չէր աշխատելու ու գոնե հեռախոսազանգով հանձնարարելու մաքրել ճանապարհները։
Ի՞նչ իմանար Կարգին Հայկոն, որ քաղաքապետերը նաև կիրակի օրերին են աշխատում։ Այնպես որ՝ քաղաքացիներին մնում է առայժմ օգտվել խոսնակի խորհրդից և հույսը դնել բացառապես ձմեռային անվադողերի վրա։
«Արցախցիները երբեք չեն մոռանում այն մարդկանց, ովքեր ամենադժվար օրերին եղել են իրենց կողքին». Հայտարա...
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
«Ուժեղ Հայաստան» դաշինքի ցուցակից 105 թեկնածու ինքնաբացարկ է հայտնել
Reuters-ը անդրադարձել է Գագիկ Ծառուկյանի ձերբակալությանը
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Միջպետական ճանապարհի դիմաց Ադրբեջանի մեծ դրոշ են տեղադրել. «Հրապարակ»
Տասնյակ սպորտսմեններ սոսկայով սնվել են Գագիկ Ծառուկյանի ձեռքից ու ոչ ոք ծպտուն չհանեց, բացի մեկից, ...
Տիգրանի կողմից փրկվածը 2018 թ֊ին նույն վայրում փրկվել է նաև Նաիրա Զոհրաբյանի կողմից
Կյանքից հեռացել է Արտաշես Ալեքսանյանը
«Հրապարակ». Արթուր Ալեքսանյանը չէ իր հեռախոսին պատասխանողը, Նազիկ Ավդալյանը կարող է միայն սպորտից խո...
