Նախագահ Սարգսյանը նոր դատավորներ է նշանակել. ովքեր են նրանք

ՀՀ նախագահ Արմեն Սարգսյանը հրամանագրեր է ստորագրել Գեղարքունիքի մարզի առաջին ատյանի ընդհանուր իրավասության դատարանի դատավոր Վահագն Մելիքյանին և Լոռու մարզի առաջին ատյանի ընդհանուր իրավասության դատարանի դատավոր Տիգրան Գրիգորյանին Երևան քաղաքի առաջին ատյանի ընդհանուր իրավասության դատարանի դատավորներ նշանակելու մասին:

Համապատասխան հրամանագրերը և դատավորների կենսագրական տվյալները՝ ստորև.

Վահագն Մելիքյանը ծնվել է 1969 թվականին, Երևան քաղաքում։

1996 թվականին ավարտել է ԵՊՀ իրավաբանական ֆակուլտետը։

1987 թվականից մինչև 1987 թվականը ծառայել է զինված ուժերում։

1996 թվականից մինչև 1999 թվականն աշխատել է Շենգավիթի ժողդատարանում՝ որպես դատական կատարածու։

1999 թվականից մինչև 2004 թվականն աշխատել է ՀՀ Արդարադատության նախարարության վերահսկողական ծառայությունում՝ որպես առաջատար մասնագետ։

2004 թվականից մինչ օրս աշխատում է Գեղարքունիքի մարզի ընդհանուր իրավասության դատարանի դատավոր։

Տիգրան Գրիգորյանը ծնվել է 1982 թվականին, Երևան քաղաքում:

2002թ. ավարտել է ԵՊՀ իրավագիտության ֆակուլտետի բակալավրիատը, 2007թ.` ՀՀ պետական կառավարման ակադեմիայի իրավաբանական ֆակուլտետի մագիստրատուրան, 2014թ.՝ ՀՀ արդարադատության ակադեմիան:

2002 թվականին աշխատել է «Արբանգ» ՍՊԸ-ին առընթեր Հայկական Գիտարանի իրավաբանական բաժնում` որպես փորձագետ:

2002-2005թթ. աշխատել է Աշտարակի քաղաքապետարանի իրավաբանական բաժնում` որպես մասնագետ:

2006-2007թթ.աշխատել է ՀՀ ֆինանսների և էկոնոմիկայի նախարարության աշխատակազմի իրավաբանական վարչության պետության դեմ դատական պահանջների պաշտպանության բաժնում` որպես մասնագետ:

2007-2009թթ. աշխատել է ՀՀ դատական դեպարտամենտի դատական պրակտիկայի ամփոփման վարչությունում, նախ` որպես մասնագետ, ապա՝ ավագ մասնագետ:

2009-2012թթ. աշխատել է որպես ՀՀ Կոտայքի մարզի ընդհանուր իրավասության առաջին ատյանի դատարանի աշխատակազմի ղեկավար:

2012-2014թթ. աշխատել է որպես ՀՀ դատական դեպարտամենտի կազմակերպաիրավական վարչության պետ:

2014 թվականին ավարտել է Արդարադատության ակադեմիան՝ որպես դատախազի թեկնածու:

2015 թվականին աշխատել է որպես ՀՀ դատական դեպարտամենտի ղեկավարի խորհրդական:

2016 թվականին ավարտել է Արդարադատության ակադեմիան՝ որպես դատավորի թեկնածու:

Համատեղությամբ դասավանդել է «Ուրարտու» համալսարանում (2008-2010թթ.), Երևանի Խ. Աբովյանի անվան մանկավարժական համալսարանում (2010-2013թթ.), Երևանի Վ. Բրյուսովի անվան պետական լեզվաբանական համալսարանում (2012-2014թթ.), Վանաձորի պետական մանկավարժական համալսարանում (2016-2017թթ.):

ՀՀ Նախագահի 2016 թվականի հուլիսի 14-ի հրամանագրով նշանակվել է ՀՀ Լոռու մարզի ընդհանուր իրավասության առաջին ատյանի դատարանի դատավոր:

Ամուսնացած է: