«Ինձ ու քրոջս տնից վտարողների մեջքին կանգնած է Ֆելիքս Ցոլակյանը». Դավթյաններն անօթևան են (տեսանյութ)

Արդեն 3 տարի է, ինչ 62-ամյա Ռազմիկ Դավթյանն ու նրա քույրը՝ 66-ամյա Ջուլիետա Դավթյանը, դրսում են հայտնվել:

Դավթյաններին վտարել են ո՛չ թե ԴԱՀԿ-ի աշխատակիցները, ինչպես, սովորաբար, լինում է նման դեպքերում, այլ Մաշտոցի բաժնի ոստիկանները: Նրանց բնակարանից վտարելու պահանջ ներկայիս տանտերն է ներկայացրել` Սամվել Սամվելյանը:

Դավթյանները 2009 թվականին Բելառուսից են հայրենիք վերադարձել՝ կյանքի մնացած տարիներն այստեղ անցկացնելու համար, սակայն այսօր մնացել են անօթևան:

Ռազմիկ Դավթյանը NEWSPRESS.am-ի հետ զրուցում պատմեց, որ Սամվել Սամվելյանն իր վաղեմի ընկերն է, ով իրենից պարտքով գումար է խնդրել, սակայն ժամանակին չի վերադարձրել: 2011 թվականին ընկերը Ռազմիկից խնդրում է ևս14 հազար դոլար, որպեսզի տունը սեփականաշնորհի ու վաճառի և ամբողջ պարտքը 20 օրյա ժամկետում վերադարձնի:

Մինչ օրս, սակայն, Սամվել Սամվելյանը գումարը չի վերադարձրել, Դավթյանների տունն էլ արգելանքի տակ է հայտնվել ու հանվել աճուրդի:

Սամվել Սամվելյանը նույնիսկ պարտավորագիր է գրել իր ձեռքով.

Չնայած դրան՝ Շիրազի փողոցի թիվ 20 շենքում գտնվող 94.3 քառակուսի մետր ընդհանուր մակերեսով Դավթյանների բնակարանը աճուրդի է հանվել 12 միլիոն 950.000 դրամ մեկնարկային գնով` մոտ 27 հազար դոլարով: Այսօր արդեն նրանց բնակարանը նոր սեփականատեր ունի:

Այժմ, Ռազմիկ Դավթյանը վստահեցնում է. «Այս ամենի պատճառն այն է, որ Սամվել Սամվելյանի մեջքին կանգնած է Ֆելիքս Ցոլակյանը: Ինքն ասում ա՝ կապ չունեմ ես, բայց մենք գիտենք, որ ունի: Նա Սամվել Սամվելյանի կնոջ հարազատ հորեղբայրն է»,-ասում է Ռազմիկ Դավթյանը:

Մանրամասները՝ տեսանյութում