Հիշատակի միջոցառում Ստամբուլում՝ նվիրված Հրանտ Դինքի մահվան 12-րդ տարելիցին (լուսանկար)

Ստամբուլում անցկացվում է Հրանտ Դինքի մահվան 12-րդ տարելիցին նվիրված հիշատակի միջոցառում։ Պոլսահայ լրագրող և մտավորական, Ստամբուլի «Ակօս» հայկական թերթի հիմնադիր ու նախկին խմբագիր Հրանտ Դինքի սպանվելու ժամին՝ 15:05-ին, հենց սպանության վայրում՝ «Ակօսի» նախկին խմբագրատան դիմաց, հազարավոր մարդիկ գալիս են իրենց հարգանքի տուրքը մատուցելու նրա հիշատակին։

«Հրանտ 12», «Չենք հրաժարվի, ախպարի՛կ», «Արդարություն ենք ուզում», «Հանուն Հրանտի, հանուն արդարության» գրություններով բազմաթիվ պաստառներով այդտեղ են գնում հայ, թուրք, քուրդ և այլազգի մտավորականներ, հասարակական, քաղաքական, մշակութային գործիչներ և իրավապաշտպաններ ու քաղաքացիներ:

Հիշեցնենք, որ Հրանտ Դինքը թուրք ազգայնականի կրակոցով սպանվել է 2007 թվականին թուրք ազգայնական Օգյուն Սամասթի կրակոցից: Դինքի սպանության գործով դատավարությունը շարունակվում է մինչ օրս:

Նկարում՝Օգյուն Սամաստն է՝ Թուրքիայի դրոշով: Նրա երկու կողմում կանգնած են ոստիկանության աշխատակիցներ: Այս լուսանկարը մեծ աղմուկ է առաջացրել Թուրքիայում: Որոշ լրագրողների կարծիքով՝ այս լուսանկարի հրապարակումից հետո են սկսվել լուրեր տարածվել այն մասին, որ Թուրքիայի ոստիկանությունը տեղեկացված է եղել Դինքի սպանության մասին: