Ի՞նչ գործ ունի ԱԱԾ-ն Բագրատաշենում կայանած աջ ղեկով մեքենաների հետ

Երեկ ԱԱԾ-ն քննարկման արժանի կոչով դիմեց քաղաքացիներին, ըստ որի՝ ՀՀ պետական սահմանի Բագրատաշենի անցակետում կայանված տրանսպորտային միջոցները (հիմնականում աջ ղեկ) խոչընդոտում են մաքսակետի բնականոն գործունեությունը, ստեղծում ավելորդ դժվարություններ:

ԱԱԾ-ն կոչ էր անում տրանսպորտային միջոցների սեփականատերերին 7-օրյա ժամկետում՝ մինչև հունվարի 31-ը, անցման կետի տարածքից դուրս բերել դրանք՝ այլապես կենթարկվեն վարչական պատասխանատվության:

Հարցադրում 1- Ո՞վ է ԱԱԾ-ն այս խնդրում:

Հարցադրում 2--Արդյո՞ք կարող է ԱԱԾ-ն այս խնդրով վարչական պատասխանատվության ենթարկել սեփականատերերին։

Հարցադրում է 3- Ինչո՞ւ գոնե ոչ ՊԵԿ-ը (հավանաբար պարգևատրումների փաստաթղթավորումներով են զբաղված)։

Հարցադրում 4- Ինչպե՞ս մեքենաների սեփականատերերը պետք է տեղափոխեն այդ մեքենաները։

Հավանաբար ԱԱԾ-ն, յուր ղեկավար Արթուր Վանեցյանով հանդերձ, չեն տիրապետում իրավիճակին, թե այդ մեքենաներն ինչու են կանգնած այդտեղ։

Բանն այն է, որ մեքենատերերը, եթե Բագրատաշենից իրենց մեքենաները դուրս հանեն, պետք է 10-օրյա ժամկետում ղեկը ձախով փոխարինեն, ինչի հետ նրանք համաձայն չեն։ Եթե նրանք դուրս հանեն մեքենան, բայց ղեկն էլ չփոխեն՝ կրկին կենթարկվեն վարչական պատասխանատվության, քանի որ օրենքը, որը պետք է այս խնդրին լուծում տար, դեռևս չի ընդունվել Ազգային ժողովի կողմից։

Հիշեցնենք, որ նոր օրինագծով նախատեսվում է մինչեւ 2018 թ. դեկտեմբերի 30–ը ձեռքբերված մեքենաները, որոնք Հայաստան կհասնեն մինչեւ 2019 թ. ապրիլի 1–ը, ներմուծել եւ շահագործել»։

Հիմա ստեղծվել է կազուսային մի շրջան, որ ոչ ոք իր տեղում չէ: Ինչո՞ւ պետք է այս հարցով զբաղվի Արթուր Վանեցյանը, ո՞վ է նրան այդքան լիազորություն տվել և ինչո՞ւ նա չի փորձել խորությամբ ուսումնասիրել խնդիրը խոսելուց առաջ, արդյոք տեղյակ չէր այս ամիսներին բողոքի ակցիաներից։

Մեր հին ու Նոր Հայաստանի խնդիրներից մեկն էլ սա է եղել, երբ չինովնիկները չեն հասկացել, թե իրենց պաշտոնն իրենցից ինչ է պահանջում։

NEWSPRESS.am