Կոռումպացված երկրների շարքում Հայաստանը դիրքերը չի փոխել

Նախորդ տարվա նման, այս տարր ևս 35 միավորով, Հայաստանը մնում է ամենակոռումպացված երկրների շարքում։ Այս մասին լրագրողների հետ զրույցում հայտնեց «Թրանսփարենսի Ինթերնեշնլ հակահոռուպցիոն կենտրոնի» ծրագրերի ղեկավար Վարուժան Հոկտանյանը։ 

Նա նկատեց, որ կոռուպցիայի ընկալման համաթվի արժեքն աշխարհի երկրների ավելի քան երկու երրորդում 50-ից ցածր է, իսկ նրանց համաշխարհային միջինը կազմում է 43։

Այսպիսով՝ 2018 թ. աղյուսակը՝ որպես ամենամաքուր երկրներ, 88 և 87 միավորներով գլխավորում են, համապատասխանաբար, Դանիան և Նոր Զելանդիան։ Հայաստանն այս աղյուսակում 35 միավորով 105-րդ տեղում է՝ 180 երկրի մեջ:

Մասնագետը նշեց, որ կոռումպացված երկրները չափվում են 100 բալանոց համակարգով: Այն երկրները, որոնք ավելի քիչ են կոռումպացված, ավելի մոտ են 100 բալին։

Հայաստանը շարունակում է մնալ Արևելյան Եվրոպա–Կենտրոնական Ասիա տարածաշրջանի մեջ, որը համարվում է կոռումպացված տարածաշրջան։

«Եթե տվյալ երկրի համաթիվը 50-ից ցածր է, ապա կոռուպցիան ունի համակարգային բնույթ»,-նշեց Վարուժան Հոկտանյանը։ Նրա խոսքով՝ Հայաստանում հետազոտությունն արված է 6 աղբյուրի կողմից և ընդգրկում է մինչև 2018 թ. առաջին եռամսյակը։

Բանախոսի փոխանցմամբ՝ տարածաշրջանի 19 երկրների շարքում Հայաստանը զբաղեցնում է 10-րդ տեղը, նախկին խորհրդային երկրներից զիջում է Վրաստանին և Բելառուսին։

Ըստ վերոհիշյալ տվյալների՝ Հայաստանը Թուրքայից ավելի կոռումպացված է, քանի որ վերջինիս համաթվի արժեքը կազմել է 41՝ 6-ով ավելի։

Փոխարենը, Իրանը և Ադրբեջանը, ըստ տվյալկների, Հայաստանից ավելի կոռումպացված են։