Լոլոներ, հեքիաթներ ու ծով չտեսություն

Մինչ ֆեյսբուքահայությունն ակտիվորեն քննարկում է Արարատ Միրզոյանի չտեսությունն ու նրա և «չտեսավ պատից կախ, տեսավ ճակտից կախ ասացվածքի համընկնումը», Ազգային ժողովի նախագահը հանդես է եկել մի ծավալուն գրառմամբ: 

Հիշեցնենք, որ Արարատ Միրզոյանն, ըստ համացանցում հայտնված տեսանյութի, Դվին հյուրանոցից դուրս գալուց անմիջապես հետո հագնում է իր վերարկուն, կամ, ավելի ճիշտ՝ Արարատ Միրզոյանին այն հագցնում են, և դա անում է նրա անվտանգության աշխատակիցը:

Այս տեսարանն, իհարկե, քաղքենիությունը մերժող հասարակության ադեկվատ հատվածի համար տհաճ էր, և այդ տհաճությունն էլ արտահայտվեց ֆեյսբուքում՝ տեսանյութի վերաբերյալ օգտատերերի մեկնաբանություններում:

Ու փոխանակ լռելու, Արարատ Միրզոյանը գրել է հերթական լոլոն.
«Սիրելի ընկերներ, բարեկամներ և չարեկամներ,
Անհրաժեշտ եմ համարում անդրադառնալ ձեր ուշադրությանն արժանացած մի քանի թեմայի և ներկայացնել մի քանի տեխնիկական մանրամասներ։Այո, ԱԺ նախագահի համար օրենքով սահմանված է պետական պահպանության ռեժիմ։ Պարզվում է՝ ԱԺ նախագահը որևէ տեղ այցելելիս իր վերարկուն պիտի թողնի ոչ թե ընդհանուր հանդերձարանում, այլ իր անվտանգության աշխատակիցների մոտ։ Ահա թե ինչպես է իմ վերարկուն հայտնվել իմ անվտանգության պետի մոտ։ Կարո՞ղ էի ինքնուրույն հագնել վերարկուն։ Իհարկե։ Բայց մի շատ տեխնիկական, գուցե նաև տափակ նրբություն կա։ Համաձայնեք՝ տեսախցիկների առջև վերարկուի մյուս թևքը շոշափելով որսալը և ապա ծռմռված օձիք ուղղելը ևս այնքան էլ հրապուրիչ հեռանկար չի։ Մանավանդ որ, ինչպես տեսանյութում երևում է, արագ շարժվելու խնդիր կար՝ մյուս մեքենաներն էին հերթով մոտենում»,-որևէ մեկին չհետաքրքրող տեխնիկական մանամասեր է ներկայացրել Արարատ Միզրոյանը՝ փոխարենն ավելի օգտակար գործով զբաղվելու և երկրի առաջ ծառացած բազմաթիվ խնդիրների վրա իր ուշադրությունը սևեռելու համար:

Ու որքան էլ Միրզոյանն արդարանա, միևնույնն է՝ փաստը մնում է փաստ՝ իշխանությունն ու պաշտոնն արագ են փոխել նրան;

Ոչնչից ամեն ինչի անցումն այս մարդու մոտ դարձավ չկայացվածության պակասի և չտեսության դրսևորում, որը չես կարող փոխել մեկ կամ մի քանի օրում:
Վստահաբար, եթե մարդն իր արարքի սխալ կողմերը չի ընդունում ու չի հասկանում հասարակության բարկության պատճառը, նման չտեսություններ դեռ էլի կտեսնենք:

Շուտով, հավանաբար, նա լայվ կմտնի իր կառավարական առանձնատնից, ինչպես դա արեց Փաշինյան Նիկոլը:

«Ինչ անում եմ, ժողովրդի համար եմ անում» կեղծ լոզունգներով իշխանության եկած սույն պաշտոնյային խորհուրդ ենք տալիս սթափվել և գիտակցել, որ բացի հաճույքներից, կա մի մեծ պատասխաատվություն, ինչի գիտակցման նշույլներն անգամ ամիսներ անց չեն երևում:

Արարատ Միրզոյանին շատ կարճ խորհուրդ ևս՝ ժամանակն օգտագործել պետականաշինության և ոչ թե սեփական սխալների սրբագրման համար ու չփնտրել սևեր կամ չարակամներ, իսկ որ ամենակարևորն է՝ դադարել պատմել հեիքաթներ:

NEWSPRESS.am