Տրանսվեստիտներին ԿԳՆ-ում ընդունելու ու քահանային դպրոցից հանելու համա՞ր եք քվե ստացել. Արիանա Հովսեփյան

Իր պաշտոնավարման ընթացքում ոչինչ չարած ԿԳ նախարար Արայիկ Հարությունյանը շարունակում է իր տգիտությամբ փայլել: Այս պարոնը քահանայի հետ հայտնի միջադեպից հետո, ամոթը կորցրած՝ շարունակում է պաշտոնավարել և մի բան էլ ավելին՝ հարցազրույցներ է տալիս և էլ  ինքն իրեն ավելի խայտառակում:

Յուրաքանչյուր զարգացած ու իրապես ժողովրդավար երկրում Արայիկ Հարությունյանին պարզապես անարգանքի սյունին կգամեին և պաշտոնից կհեռացնեին ոչ միայն քահանայի հետ նման կերպ խոսելու, այլև նաև հաջորդիվ տրված ճեպազրույցի համար, որտեղ ասում է, մեջբերում ենք՝ «Նույնիսկ մի հատ հեռավոր գյուղի քահանա անտեղի ու անկիրթ գրառմամբ ալեկոծում է ամբողջ մամուլը, որի համար ցավում եմ մամուլի համար, որ արձագանքում են նման անկիրթ բաներին: Կլինեն նման արձագանքներ, ես կարծում եմ՝ պետք է վերջնարդյունքով նայել: Մենք ստացել ենք ժողովրդի քվեն բարեփոխումներ իրականացնելու, բարեփոխումները շատ բարդ են, բարեփոխումները շատ բարդ են լինելու և բարեփոխումները ցավոտ են լինելու»:

ԿԳ նախարարին պետք է դուրս շպրտել այդ պաշտոնից ոչ միայն նախադասություն կազմել չիմանալու, ավարտուն միտք կառուցել չկարողանալու համար, այլ նաև իր այն մտքի, թե ժողովուրդն իրենց քվե է տվել, որպեսզի «կարաբինաներին» Արայիկ Հարությունյանն իրավունք ունենա լսելու և ընդունելու նախարարությունում, իսկ քահանան դպրոց մտնելու իրավունք չունենա, այն էլ այն պարագայում, երբ մեր դպրոցներում դասավանդվում է Հայոց եկեղեցու պատմություն:

Իրո՞ք ժողովուրդը Ձեզ քվե է տվել «կարաբինաների» քարոզն անելու, իսկ քահանաներին՝ դպրոցից դուրս հրավիրելու համար: Դե մի հանրային քննարկում կազմակերպեք, տեսեք ոլորտի մասնագետները Ձեզ ինչ կասեն:

Ոլորտին բացարձակ չտիրապետող այս պարոնը նաև խոսում է իր բարձր վարկանիշի, ապա նաև դրա անկման մասին: Ճիշտ նկատառում է անում, թե բարձր վարկանիշը կարող է մի քանի շաբաթում անկում ապրել: Այո՛, ճի՛շտ է, պարոն Հարությունյան, Ձեր յուրաքանչյուր անկիրթ ճեպազրույցից հետո Դուք ոչ միայն ձեր վարկանիշն եք գցում, այլ նաև Ձեր քաղաքական թիմի:

Իսկ Ձեզ խորհուրդ կտայի՝ գնայիք դասընթացների ինչ-որ հեռավոր գյուղի քահանայի մոտ և նրանից սովորեիք մարդկանց հետ վարվելակերպի կանոններ, հետո նոր նախարար աշխատեիք, որ չապականեիք մեր կրթության ոլորտը:

Բացի այդ ԿԳ նախարարն ասում է, թե իրենց գալով, արդեն մամուլն ազատ է. խորը թյուրիմացության մեջ գտնվող այս պարոնին պետք է ասեմ, որ մամուլը, մասնավորապես, ես ու իմ ղեկավարած լրատվամիջոցը մշտապես ազատ ենք եղել ու լինելու ենք՝ անկախ նրանից, թե ովքեր կլինեն իշխանության ղեկին:

NEWSPRESS.am-ի հիմնադիր-տնօրեն`

Արմենուհի (Արիանա) Հովսեփյան