Եվ դեռ ո՜վ է տերովից ու անտերից խոսում. հանգի՛ստ նստեք տեղներդ

Ցմահ դատապարտված Մհեր Ենոքյանի կինը՝ Զարուհի Մեջլումյանը շարունակում է աղմկել:

Եթե մարդասպան Ենոքյանի ներում չշնորհելու լուրը մեդիային հայտնի դարձնելու օրը Զարուհին շտապեց քննադատել հայաստանյան արդարատությունը, բղավել մարդասպանի իրավունքի՝ նվաճած իրավունքի մասին, ապա այս անգամ տիկինը հիշել է Հանրային հեռուստառադիոխորհրդի առաջին նախագահ Տիգրան Նաղդալյանի սպանությունը:

«Լուսանկարներում քույր ու եղբայր Նաղդալյաններն են

Տիգրանը՝ Հանրային հեռուստառադիոխորհրդի առաջին նախագահը, սպանվել էր 2002-ին, դատարանը 2003-ին Վազգեն Սարգսյանի եղբորը՝ Արմեն Սարգսյանին մեղավոր էր ճանաչել որպես պատվիրատու՝ դատապարտելով 15 տարվա ազատազրկման: Սակայն 6 տարի անց՝ 2009-ին Սերժ Սարգսյանը ներում էր շնորհել Արմեն Սարգսյանին:
Նաղդալյանի քույրը՝ Կարինեն այդ մասին իմացել էր լուրերից: Պատկերացնում եք՝ ներման հանձնաժողովից որևէ մեկի մտքով չէր անցել իրազեկել տուժող կողմին: Լրագրողները միտինգներ չարեցին, ստորագրահավաք՝ նույնպես: Տիգրանի կինը դարձավ այրի, չծնվեց նրանց երեխան: Տուժողների իրավունքներով մտահոգները ագրեսիվ ճնշումներ չարեցին: Միգուցե այս պարագաներում միայն հզոր կապերով պրոֆեսոր պետք է ունենա տուժողի ընտանիքը, որ հաշվի նստեն, իրավունք չկիրառեն: Ահա սա է սելեկտիվ մարդասիրությունը, օրենքի առաջ ընտրովիությունը»,-սա Զարուհու ֆեյսբուքյան գրառումն է ամբողջությամբ՝ որը գալիս է ապացուցելու այս կնոջ մարդատյացության ու կեղծ մարդասիրության աստիճանը:

Ով-ով, բայց ոչ Մհեր Ենոքյանի կինը. նա իրավունք չունի խոսել ծանոթից ու տերովից, որովհետև հանձին լրագրող Զարուհի Մեջլումյանի՝ Ենոքյանը մշտապես ունեցել է իր ձայնը լրատվամիջոցների ու գրանտակեր կառույցներին հասցնելու հնարավորություն:

Ով-ով, բայց ոչ Զարուհին. նա իրավունք չունի խոսելով տերովի ու անտերի մասին.

Տերովի պարագան գուցե ակտուալ է այն ցմահ դատապարտյալ զինվորի պարագայում, որը դատապարվել ցմահ ազատազրկման իրեն անարգող, նսեմացնող սպայի կյանքին ստիպված վերջ դնելու համար:

Ով-ով, բայց ոչ Զարուհին, նա այս տարիների ընթացքում մարդասպանից կերտեց է′լ գրող, է′լ իրավաբան, է′լ տուժող, է′լ արդարադատության զոհ, բայց ոչ մարդասպան՝ դաժան մարդասպան, որին պետությունը դատապարտեց ցմահ ազատազրկման:

Եվ այսքանից հետո այս կինը դեռ համարձակվում է խոսե՞լ, մեղադրե՞լ, պահանջե՞լ. հասկանալի է, որ Զարուհու բերանով խոսում է հենց Մհեր Ենոքյանն, ուստի ոչինչ, քան «Հանգիստ նստեք տեղներդ» այս զույգին ասել չես կարողանում: