Որքան քաղքենի կարող է լինել Ազգային ժողովի նախագահի կինը՝ նման գրառում անելու համար

Ֆեյսբուքում գրառումներ են հայտնվել այն մասին, որ Արարատ Միրզոյանի կինն անձրևանոց պահող ունի:

Գրառումներին կից նաև կայքերում հայտնվեցին աշխարհի լիդեր այն կանանց նկարները, որոնք անձրևանոց պահողներ չունեն:

Գուցե Ազգային ժողովի նախագահի կնոջ վերարկուն թրջվելուց փորձել է փրկել հետևում կանգնած տղամարդը և ջենտլմենավարի բացել է ու պաշտպանել կնոջն էլ, վերարկուն էլ, պայուսակն էլ. գուցե է այսքանն է ու վերջ…

Բայց որքան քաղքենի կարող է գտնվել անձրևից պաշտպանվող այդ նույն կինն, ով Ֆեյսբուքում կարող է նման գրառում անել՝ արարատմիզրյանական ոճով ծաղրելով ու հեգնելով այն նույն մարդկանց, որոնց շնորհիվ շարքային քաղաքացուց դարձել է բարձրաստիճան պաշտոնյայի կին: 

«Մեկ շաբաթ ֆեյսբուք չէի մտել, մտա ֆեյսբուք` պարզվեց $130.000 արժեքով Hermes պայուսակի տիրուհի եմ դարձել:

Այս ամենը ծիծաղելի կլիներ, եթե այսքան կեղծ օրակարգը մարդկանց մտահոգության պատճառ չդառնար:

Ահա այն պայուսակը, որը ձեզ այդքան հուզում է. Longchamp Roseau, արժեքը $100-250: Նշեմ նաև, որ քանզի Արցախ այցի մասին տեղեկացա այցից 2 օր առաջ, իսկ իմ պայուսակները սպորտային պայուսակներ են (cross-body կամ backpack` ռյուկզակ) և ես ժամանակ չունեի այցին համապատասխան պայուսակ ձեռք բերել, իր պայուսակը 2 օրով սիրով տրամադրեց քույրս` Ալվինան:

Շարունակելով քաղաքական «կարևորագույն» թեմաներին սպառիչ պատասխաններ տալու պրակտիկան` նշեմ նաև, որ վերարկուս` MassimoDutti է: Հայաստանում արժեքը 140.000 դրամ էր: Որոշեցի սպասել զեղչերին և ձեռք եմ բերել օնլայն` գերմանական կայքից` 72000 դրամով: Հուսամ որոշ անհագստացած լրագրողներ այլևս աջուձախ լեգենդներ չեն պատմի 1.5 մլն արժողությամբ վերարկուի մասին:

Կոշիկներս` Next, արժեքը չեմ հիշի, մի քանի տարի առաջ է գնված:

Անվտանգության աշխատակից չունեմ, «զոնտիկ պահող» ևս, աշխատանքի եմ գնում իմ անձնական մեքենայով: Պաշտոնական այցելության ժամանակ առաջնորդվել եմ սահմանված արարողակարգով, իսկ անվտանգության աշխատակցին շնորհակալություն հայտնեցի անձրևի ժամանակ դրսևորած հոգատարության համար»,-գրել է խորհրդարանական Հայաստանի թիվ մեկ կարևորագույն մարմնի ղեկավարի կինն իր ֆեյսբուքյան էջում:

Լավ այս «պլինտուսի» մակարդակից ե՞րբ եք բարձրանալու կամ արդյոք պաշտոնն ու այդ պաշտոնից բխող պարտականությունը միայն ֆեյսբուքյան լայվերն ու աջ ու ձախ սրա-նրա քոմենթին ջրիկավարի արձագանքելն է:

Իսկ գուցե ավելի արգասավոր գործով զբաղվի Ազգային ժողովի նախագահի տիկինը. գուցե մեկի մատից էլ ինքը փուշ հանի…

Ի վերջո, վաղուց ժամանակն է ոչ թե «լո-լո»-ների այլ գործի:

NEWSPRESS.am