Մարությանը թող մտնի «Սուպեր մամա»-ի բարոյական կերպարի մեջ, իսկ Մեսչյանը կարող էր հրաժարական տալ. բողոքի ակցիա
Փետրվարի 28-ին Երևանի քաղաքապետարանի թողտվությամբ փլուզվել է խորենացու վրա գտնվող նախկին ԿԳՆ շենքը, որը հանդիսանում էր պատմամշակութային հուշարձան:
Արդեն մի քանի օր է անցել, սակայն կարծես նախկին իշխանությունների ժամանակ «բուլդուզերների» դիմաց պառկող ու բողոքի ակցիաներ կազմակերպող պատմամշակութային արժեքներ պահպանող կազմակերպությունների անդամները անհաղորդ են խնդրին: Միայն երեկ երեկոյան ֆեյսբուքյան գրառումների արդյունքում փոքր-ինչ տեղաշարժ եղավ:
«Քաղաքացիական գիտակցություն» հասարակական կազմակերպության նախագահ Նարեկ Սամսոնյանն այս առիթով հարցադրում է արել, թե ինչու օրինակ Աֆրիկյանի տան փլուզման ժամանակ ակտիցիստները հուժկու ակցիաներ էին կազմակերպել, իսկ այսօր լուռ են:
«Ինչի՞ չկայիք ժողովուրդ ջան, կարողա իրոք քանդվածը «սառայ» էր»,- գրել է նա իր ֆեյսբուքյան էջում, ու կոչ արչել բոլորին իր հետ մասնակցել քաղաքապետ Հայկ Մարությանի ու ճարտարապետ Արթուր Մեսչյանի դեմ բողոքի ակցիային:
Լրագրողների հարցին, թե ինչո՞ւ ավելի վաղ նա չէր կազմակերպում այս ակցիան, Նարեկ Սամսոնյանը նկատեց, որ նախ ինքն այդ մասին իմացել, երբ արդեն շենքը քանդված է եղել, իսկ հետո էլ նկատեց, որ այլ սպասումներ ուներ:
«Անկեղծ, ես սպասում էի, որ օրինակ Րաֆֆի Հովհաննիսյանը կգա էստեղ ճաղավանդակները կոտրեր, ինչպես Աֆրիկյանների ժամանակ, Զառա Հովհաննիսյանը կագ էստեղ ջութակ կնվագի, Տիգրան Համասյանը՝ դաշնամուր, Արթուր Սաքունցը էն իրա հայտնի գլխարկը գլխին կգա ու ասի, որ ռեժիմը ստորացնում է մարդկանց ու նրանց բարքերը ոտնատակ անում, Լևոն Բարսեղյանը կգա մի երկու քֆուրով բացել կտա: Ու արձանագրեցի, որ այս մարդիկ վերջնականապես դարձան ռեժիմի ստրուկներ դարձան»,-նկատեց Նարեկ Սամսոնյանը:
Ակցիայի մասնակիցները «վանդալիզմ» գրառմամբ պաստառներ փակցրեցին շինարարության մոտ: Պաստառների վրա նաև Արթուր Մեսչյանի և Մարությանի նկարներն էին:
Ակցիայի մասնկաիցները անիմաստ համարեցին լինել քաղաքապետարանում:
«Գնանք քաղաքապետարան, որ Հայկ Մարությանից ի՞նչ պահանջենք. շենքն արդեն քանդված է: Ամենաշատը պետք է ասենք գնա «Սուպեր մամա»-ի բարոյական կերպարի մեջ մտի, դա գհուցե նրա մոտ ավելի լավ ստացվի»,-ասաց Նարեկ սամսոնյանը:
Նա վստահ է նաև, որ Արթուր Մեսչյանը դեմ է եղել այս շենքի քանդմանը, բայց չի կարողացել դեմ արտահայտվել, պարզապես զարմանում է, թե այդ դեպքում ինչո՞ւ նա հրաժարական չի տալիս:
