Գործարար Գագիկ Ադիբեկյանի փողերը Հայաստանում հանցագործներն են տնօրինում

Մեծահարուստ բարեգործները Հայաստանում լրջագույն առաքելություն ունեն: Բավականին մեծ թվով ծրագրեր իրականացվում են Հայաստանում հենց նրանց շնորհիվ: Թե ինչքանով են բարեգործությանն ուղղորդված գումարները տեղ հասնում՝ դժվար է ասել, բայց պետք է նկատել, որ դրանց բացակայությունը հարված կտա երկրին: Այդպիսով, պետք է պահել ու փայփայել այն մարդկանց, ովքեր ինչ-ինչ բարի նպատակներ ունեն մեր երկրում: Հասարակության սուր աչքը պետք է թույլ չտա, որ այդպիսի մարդկանց Հայաստանում ստորաբար խաբեն, փողերը յուրացնեն և կասեցնեն տարարտեսակ ծրագրերի իրականացումը:

Նմանատիպ դեպքի ենք ցանկանում փոքրիկ անդրադարձ կատարել:

Ռուսաստանում կա մի հայ գործարար՝ Գագիկ Ադիբեկյան անվամբ: Նրան և Ռուբեն Վարդանյանին է պատկանում RD Group հզոր ընկերությունը, որն անգամ ներառված է եղել Forbes-ի՝ Ռուսաստանի անշարժ գույքի արքաների 2018թ. ցուցակում, խոշորների մեջ զբաղեցրել 28-րդ հորիզոնականում:

Գագիկ Ադիբեկյանի փողերը հաշվելու առաքելությունը մեզ տրված չէ, բայց հետաքրքրված լինելով Հայաստանում նրա իրականացված ծրագրերով, տեղեկությունների տիրապետեցինք, որ Ադիբեկյանի՝ Հայաստան ուղղված փողերն այդպես էլ արդյունավետ չեն ծախսվում:

Պատճառը, մեծամասամբ՝ դրանք կարգավորողներն են: Արման Պետրոսյան անձը (կենցաղում` Բրուս), ով Հայաստանում, այսպես ասած, Ադիբեկյանի գործերի տիրություն անողն է, ունի կասկածելի կենսագրական տվյալներ և վարքագիծ: Նա Ռուսաստանում դատապարտվել է ավազակային հարձակման և գողության փաստով, իսկ Հայաստանում իրեն շրջապատել է քրեական հեղինակություններով, օրինակ, մտերիմն է համարվում «Գագ Ջանի»: Նրանք նաև փոքրիկ բիզնես պրոյեկտ ունեն՝ փողերի «վազվրատով» են զբաղվում:

Արման Պետրոսյանը զբաղվում է նաև Մասիսի երիտասարդների հարցերով և տիրություն է անում «Մասիսի երիտասարդական կենտրոն»-ը, որն ունի երիտասարդներին համախմբելու նպատակ. որոշ ծրագրեր են իրականացվում երիտասարդների շրջանում:

Արման Պետրոսյանը անմասն չի մնում նաև ընտրություններից. նա մշտապես եղել է ՀՀԿ-ի «տասովչիկը» քաղաքում, դե, իսկ հիմա էլ շփումների մեջ է Արարատի ներկայիս մարզպետ Գարիկ Սարգսյանի հետ:

Նրա մտերիմ ընկերներից է նաև «Գազպրոմ Արմենիա» ընկերության Արարատի մասնաճյուղի տնօրեն Էդգար Ավոյանը (Գազավիկ Էդո), որի հերոսություններին արդեն հասցրել ենք անդրադառնալ: 

Ոչ օրինակելի վարքի տեր մարդուն վստահել երիտասարդների ճակատագիրը և բարեգործի գումարների տնօրինումը՝ խիստ մտահոգիչ է, ամեն դեպքում՝ գործարար Գագիկ Ադիբեկյանն այս մասին պետք է իմանա:

NEWSPRESS.am