3 պատճառ, թե ինչու Զինեդին Զիդանը կձախողվի Մադրիդի «Ռեալ»-ում

Զինեդին Զիդանը վերադարձավ Մադրիդի «Ռեալ»։ Այս լուրի պաշտոնական հաստատումից հետո իսպանական գրանդի երկրպագուները ուրախացան, իսկ մասնավորապես հայ երկրպագուները հիշեցին Հայաստանի ազգային հավաքականի գլխավոր մարզիչ Վարդան Մինասյանի վերադարձի պատմությունը, նախնական ոգևորությունն ու հետագա հիսաթափությունը։

Այսօր մենք կանդրադառնանք այն հիմնական 3 պատճառներին, որոնցով պայմանավորված՝ Զիդանը այս անգամ կձախողվի Մադրիդի «Ռեալ»-ում։

1․ Այլևս չկա Ռոնալդու։

Այս պատճառն ամենաքննադատվողն է ու շատերը չեն ցանկանում ընդունել, որ 1 Ռոնալդուով չի որոշվում թիմի խաղը, սակայն բոլորը տեսան, թե ինչպես Ռոնալդուի հեռանալով՝ քանդվեց ակումբը։

Իսպանական սպորտային պարբերականները դեռ ամիսներ առաջ գրեցին, որ Զիդանը հեռացավ ակումբից, քանի որ թիմը չէր ցանկացել ավելացնել Ռոնալդուի աշխատավարձը։

Հիմա պորտուգալացին Իտալիայում թելադրում է իր կամքը, իր խաղը ու տեսականորեն Թուրինի «Յուվենտուս»-ը դարձել է մեկ ֆուտբոլիստի ձեռագիրը կրող հարձակվողական թիմ։ Զիդանը կձախողվի, քանի որ այնտեղ չի Ռոնալդուն, ում շուրջ էլ նա կառուցեց թիմը, ով իրեն օգնեց նվաճել 3 Չեմպիոնների լիգայի գավաթ։ Բավական է հետ գնալ ու տեսնել, որ այդ 3 գավաթները թիմին բերեց Ռոնալդուն, ով կարողացավ լուրջ խաղերում հաղթանակ վճռել։ Հիմա Զիդանի համար բարդ ու անհնար է լինելու, քանի չկա Ռոնալդուն, չկա այն մարդը, ով կարող է փոխարինել նրան։ Նույնիսկ չկա այն մարդը, ով մոտ է կանգնած Ռոնալդուին։ Նրա միակ հույսը կլինի նոր տրանսֆերը, որն էլ չի կարող միանգամից Ռոնալդու դառնալ, իսկ նրան ժամանակ է պետք։ ֆլորենտինո Պերեսն էլ չի սպասելու, հակառակ դեպքում նորից չէր հրավիրի Զիդանին։

2․ Այս տղաներն արդեն սպառել են իրենց։

Տեսականորեն, հիմա Մադրիդի «Ռեալ»-ում բոլորը սպառել են իրենց։ Զիդանի լեգենդար թիմի բոլոր տղաներն իրենց սպառել են։ Բացառություն է Ռամոսը, ով չի էլ կարող իրեն սպառել, քանի որ թիմի ավագն է, իսկ ավագները չեն կարող իրենց սպառել։ Լեգենդար թիմի տղաները հասել են բոլոր բարձունքներին և հիմա կարող են հանգիստ շունչ քաշել։ Նրանք այլև չունեն մոտիվացիա, քանի որ մոտիվացիա, տեսականորեն, չկա. չէ՞ որ նրանք նվաճել են անհնարինը։ Ուղղակի ֆանտաստիկայի ժանրից է այն, որ նրանք 3 տարի շարունակ նվաճել են Չեմպիոնների լիգայի գավաթը։ Զիդանը նոր մոտիվացիա չի կարող տալ այս տղաներին, քանի որ նրանք գրավել են բոլոր բարձունքները։ Այլևս չես կարող զարմացնել Լուկա Մոդրիչին Չեմպիոնների լիգայի գավաթով, կամ Կարիմ Բենզեմային՝ այլ մրցանակով։

Այս դեպքում Զիդանը ունի միայն 1 ելք․ նոր կազմ բերել ու նրանց տալ նոր հաղթանակների մոտիվացիա, սակայն դրա համար պետք է տարիներ ու ժամանակ, իսկ «Ռեալ»-ում ժամանակ պետք չէ, քանի որ նրանք հենց հիմա են ուզում ակումբի վերելքը։

3․ Առաջիկա տարիներին ամենաուժեղները իտալական ու անգլիական ակումբներն են լինելու։

Զիդանի ձախողման հաջորդ պատճառը ֆուտբոլային աշխարհի փոփոխությունն է։ Որքան էլ չընդունեն շատերը, սակայն իրականում ֆուտբոլային աշխարհում սկսվել է փոփոխություն։ Իտալական ու անգլիական ակումբները կամաց-կամաց իրենց ձեռքն են վերցնում գերիշխանությունը և այս դեպքում բարդ կլինի եվրոպայում ոտք գցել այս ակումբների հետ, ովքեր կամաց-կամաց դառնում են սարսափազու և ուժեղ։ «Մանչեսթեր Յունայթեդ»-ը ցույց տվեց, թե ինչպես կարելի է հանգիստ ոչնչացնել ամենաահեղ ՊՍԺ-ին։

Իսպանիայում այս պահին կա միայն 1 թիմ, որը կարող է հանգիստ «ոտք մեկնել» իտալական ու անգլիական ակումբների հետ։ Դա «Ատլետիկո Մադրիդ»-ն է։ Որքան էլ Զիդանը ջանք ու եռանդ թափի, նա հաջողությունների կհասնի բացառապես իսպանական հարթակում, որտեղ կա թույլ «Բարսելոնա», որն այլևս նախկինը չէ։ Սա ևս մեկ պատճառ, որ Զիդանը ձախողի։ Չէ՞ որ նրան թիմ են հրավիրել Եվրոպայում իր դիրքերը բարելավելու համար։

NEWSPRESS.am