Ժողովրդի դեմ, ժողովրդի անունից…

Մենուա Հարությունյանն իր ֆեյսբուքյան էջում գրել է.

«Երեկ օպերայի մոտ իրականացավ իմ կանխատեսումներից ևս մեկը, ասում էի, որ երբ Նիկոլենց որոշումներից դժգոհ քաղաքացիները դուրս գան փողոց սեփական իրավունքները պաշտպանելու, Նիկոլը այդ մարդկանց դեմ ոստիկանությունից բացի հանելու է իր կողմնակիցներին, ովքեր հիմնականում լինելու են տարբեր ռանգի չինովնիկներ՝ ստեղծելով հասարակական բախումների վտանգ, ինչն էլ երեկ տեղի ունեցավ Օպերայի մոտ…

Փաստացի հասկանալով, որ եթե ոստիկանությունը ճնշի ժողովրդին, իրենց վարկանիշը իջնելու է, և Նիկոլի բարիկադներ քանդելու խոստումը ևս սուտ է դուրս գալու՝ տարբեր թաղերի թաղապետարանների աշխատողներ հասան Օպերա և կանգնեցին պայքարող ժողովրդի դեմ, որից հետո Ջազզվեի տնօրենությունը, հասկանալով, որ Նիկոլենք դրդում են քաղաքացիական բախումներ, հանդես եկավ հայտարարությամբ և կոչ արեց դադարեցնել պայքարը…

Այո, դարձյալ ճիշտ էի, սրանք ամեն գնով հասել են իշխանության, ամեն գնով էլ փորձելու են պահել իշխանությունը՝ թքած ունենալով մեր ժողովրդի բարեկեցության և անվտանգության վրա…

Սրանց վերջը հաստատ լավ չի լինելու, ուղղակի վախենում եմ մեր պետութունն էլ շատ տուժի…

Հակապետական իշխանություն.ժողովրդի դեմ, ժողովրդի անունից…

Այսինքն, երբ պետական ապարատից կրճատվող չինովնիկները դուրս գան փողոց պայքարելու, Նիկոլենք այդ մարդկանց դեմ կհանեն աշխատանքը չկորցրած չինովնիկներին, և այսպես շարունակ…»: