Այդ թիվը փոխեք, պարոն վարչապետ, վատ ասոցացիա է. Բագրատյանը՝ 50%-ի մասին

ԱԺ նիստի ժամանակ, անդրադառնալով վարչապետ Նիկոլ Փաշինյանի ելույթին, «Բարգավաճ Հայաստան» խմբակցության պատգամավոր Սերգեյ Բագրատյանը նկատեց, որ ցանկանում է իր տարակարշությունը փոխանցել:

Նա նկատեց, որ սպառման աճի հետ կապված Փաշինյանի մեջբերած թվերն լավագույն ցուցանիշը չեն՝ ինչպես ներկայացվում է:

«Ասացիք օրինակ ծխախոտի սպառումը 17 տոկոս ավելացել է, Թորոսյանի (նկատի ունի առողջապահության նախարարին-հեղ.) ականջը խուլ, ոսկերչություն և այլն, սրանք լավ են: Հիմա՝ երբ ասում եք 95-70 % է շաքարի մենաշնորհը, ուզում եմ ասել, որ ես ու դուք հո գիտեքն, որ 70 %-ը բացարձակ մենաշնորհ է: Եվ պետք է այնպես անել որ որևէ մեկը չլինի 50%-ից բարձր»,-ասաց Բագրատյանը և հավելեց. «Դուք ասում եք սեփականության վերաբաշխում տեղի չի ունենալու, հազար ներողություն, ի՞նչ սեփականության մասին է խոսքը, պարոն վարչապետ, եթե Դուք բիզնես սեփականատերերին նկատի ունեք, ապա լավ էլ նշեցիք, որ 20 % գլխից խոսում էին, հետո գալիս-դառնում էին, ու մենք էսօր խոսում ենք, որ իրենք իսկապե՞ս բիզնես-սեփականատեր են: Սա արդեն մի քիչ զարմանալի մոտեցում է»:

Նա նաև նկատեց, որ եկամտահարկի մսաին խոսելիս, երբ վարչապետն ասում է, որ 50% անասնապահության, 50 % այս կամ այն բանի համար, ապա վատ է ընկալվում այդ 50 %-ը:

«Այդ թիվը փոխեք, պարոն վարչապետ, վատ ասոցացիա է տեղի ունենում, կարո՞ղ ա մեր կառավարությունը 50 % ա մտնում»,-ասաց Բագրատյանը, ինչին Փաշինյանը արձագանքեց. «Հա՛, հիմա կառավարությունը էն 50 %-ները հետ ա տալիս, ի՞նչ եք ուզում»: