Քոչարյանը հանգիստ է արձագանքել. նա կմնա կալանքի տակ (տեսանյութ)
Երևի արդեն դատախազները ձեզ հետ կիսվել են իրենց ուրախությամբ, որ պարոն Քոչարյանի պաշտպանների բողոքները մերժվել են, և պարոն Քոչարյանը շարունակելու է մնալ կալանքի տակ: Այդ մասին լրագրողներին ասաց ՀՀ երկրորդ նախագահ Ռոբերտ Քոչարյանի Հայկ Ալումյանը:
«Մեզ համար գլխավոր խնդիրն այն է, որ դատարանը, անտեսելով բոլոր հնարավոր նորմերը, որը կարելի էր անտեսել, բոլորը անտեսելով՝ պարոն Քոչարյանին թողեց կալանքի տակ»:
Ալումյանը նշեց, որ Ռոբերտ Քոչարյանը շատ ավելի հանգիստ է արձագանքել մերժմանը, քան նրա պաշտպանները:
Պաշտպանի խոսքով՝ իրենք անպայման բողոքարկելու են, դատարանի որոշումը դեռ չեն ստացել:
«Առաջին ատյանի դատարանի որոշումն առհասարակ իր մեջ որևէ պատճառաբանություն չէր պարունակում, և մեր բողոքներից մեկի հիմքն ամբողջությամբ հենց դա էր, որ առաջին ատյանի դատարանը կայացրել է ընդհանրապես չպատճառաբանված դատական ակտ, բայց վերաքննիչ դատարանի վրա դա տպավորություն չթողեց: Վերաքննիչ դատարանը, հավանաբար, գտավ, որ կարելի է ընդհանրապես չպատճառաբանելով անձին պահել կալանքի տակ»,- ասաց Ալումյանը:
Նրա խոսքով՝ դատարանների փաստարկն այն է, որ Քոչարյանը, մնալով ազատության մեջ, կարող է խոչընդոտել քննությանը:
Հիշեցնենք, որ ՀՀ երկրորդ նախագահ Ռոբերտ Քոչարյանը մեղադրվում է ՀՀ քրեական օրենսգրքի 300.1-րդ հոդվածի 1-ին մասով եւ 311-րդ հոդվածի 4-րդ մասի 2-րդ մասով` ՀՀ սահմանադրական կարգը տապալելու եւ առանձնապես խոշոր չափերով կաշառք ստանալու համար:
