«Հրապարակ». ՀՀԿ-ի գնացածները «մանրից» վերադառնում են. Սերժ Սարգսյանն այստեղ է

«Հրապարակ» թերթը գրում է.

«ՀՀԿ գրասենյակում վերջին շրջանում աշխույժ եռուզեռ է` նախկին անապատային լռությունը փոխարինվել է ակտիվ անցուդարձով, փակ դռներ չկան, բոլորը գալիս են եւ նստում մինչեւ օրվա վերջ, որովհետեւ ողջ օրը Սերժ Սարգսյանը գրասենյակում է եւ հանդիպումներ է ունենում։ Կրկին նախասրահում հերթեր են։ Գնացածները «մանրից» վերադառնում են, սակայն ոչ բոլորին է ընդունում։ «Ոմանցից շատ փիս է նեղացած դիրեկտորը»,- ասացին մեզ։ ՀՀԿ-ի նկատմամբ հետաքրքրություն կա նաեւ ռուսական եւ արեւմտյան էմիսարների կողմից:

«Նրանք խնդիր ունեն պառլամենտական-իշխանական ներկայացուցիչների հետ «պրոտոկոլից» դուրս շփումների մասով՝ ադեկվատ մարդիկ իշխանությունում քիչ են, Նիկոլի հետ ուղիղ շփվել չի ստացվում, բացը փորձում են այլ ուժերի հետ շփումներով լցնել, գոնե տեղեկացվածության մասով»։

Ի դեպ, ՀՀԿ գրասենյակի պատասխանատուներն այլեւս քարտուղարուհի, վարորդ չունեն։ Մեքենաներն իրենք են վարում, ասել են` «միջոցները սուղ են»:

Մանրամասները՝ թերթի այսօրվա համարում