Հաղթեց Ավինյանն ու 16 մլն դրամի անհատույց դրամաշնորհը

Ազգային ժողովում այսօր 95 կողմ ձայնով Տնտեսական մրցակցության պաշտպանության հանձնաժողովի նախագահի պաշտոնում Արտակ Շաբոյանին փոխարինեց Գեղամ Գևորգյանը։

Նշենք, որ Գեղամ Գևորգյանը մինչ այս պահը զբաղեցնում էր Գյուղատնտեսության նախարարի պաշտոնը։

Իսկ թե ով ՏՄՊՊՀ նոր նախագահը՝ շատ կարճ․

Գևորգյանը թավշյա հեղափոխությունից հետո նոր Հայաստան անցած պաշտոնյաներից է․ նա նախկին նախարար Իգնատի Առաքելյանի մտերիմներից է․ աշխատանքի լավ փորձ ունի նաև Կարեն Կարապետյանի հետ։

Սակայն մերժված իշխանության հետ աշխատելու հարուստ փորձը չխանգարեց, որ Գևորգյանը «Թավշյա Հայաստանում» կարևոր պոստ զբաղեցնի՝ դառնա գյուղատնտեսության նախարար՝ չնայած նրան, որ գյուղատնտեսական ծրագրերին աջակցելու համար ստեղծված նրա գլխավորած ԾԻԳ-ը Վերահսկիչ պալատի (ներկայումս՝ Հաշվեքննիչ պալատ) կողմից ստացել էր անբավարար գնահատական։

Հիշեցնենք, որ այդ ԾԻԳ-ի ղեկավարի պաշտոնում Գևորգյանը ստացել էր Տիգրան Ավինյանի ընտանիքի բիզնեսին դրամաշնորհ տրամադրելու հայտ, իսկ արդեն նախարար դառնալուց հետո՝ բավարարել Ավինյանի ընտանիքին պատկանող բիզնեսին 35 մլն դրամ դրամաշնորհ տրամադրելու հայտը։

Նշենք, որ այդ 35 մլն դրամ դրամաշնորհից 16-մլն-ը ավինյանենց բիզնեսից տրվել է անհատույց:

Ահա այսպիսի շղթա է գործել Գեղամ Գևորգյանին մերժված իշխանություններից ՏՄՊՊՀ նախագահ դարձնելու գործընթացում՝,ու դրան չխանգարեց անգամ օրենքի տառին անհամապատասխանությունը։

Հիշեցնենք, որ ՏՄՊՊՀ նախագահի պաշտոնի համար թեկնածուն պետք է ունենա կառավարման ոլորտում աշխատանքի 3 տարվա ստաժ, իսկ Գեղամ Գևորգյանը դա չունի․ որպես ղեկավար աշխատել է ընդամենը 368 օր։

Իսկ հաշվի առնելով, որ այսօր խորհրադրանում ՏՄՊՊՀ նախագահ ընտրվելուց հետո Գեղամ Գևորգյանը չբացառեց, որ կարող է անդամակցել իշխող ուժին՝ «Քաղաքացիական պայմանագիր» կուսակցությանը, ապա կարող ենք փաստել՝ Փաշինյանի թիմը «քոփի փաստ» է անում Հանրապետականին, և Գևորգյանին այս պաշտոնում ընտրելու հարցում դեր խաղաց Ավինյանի բիզնեսն ու անհատույց տրամադրված 16 մլն դրամը։

NEWSPRESS.am