Բացահայտումներ թաղապետ սանիկի սանիկ թաղապետի կնոջ մասին. ուշագրավ տեսանյութ
Բրյուսովում քաղաքականացվածությունը նոր թափ է առնում. այս խորագրով տեսանյութ է հրապարակվել «Unofficial: ԵՊԼՀ Ուսանողական խորհուրդ» ֆեյսբուքյան էջում:
Տեսանյութին կից տեքստում ասված է.
«Բրյուսովում քաղաքականացվածությունը նոր թափ է առնում. ՔՊ-ն և ՀԱԿ-ը գաղտագողի, հաստատուն քայլերով բուհ են ներթափանցում:
Նրանք մեր համալսարանը լցնում են յուրայիններով՝ բուհը դարձնելով քաղաքական շահերի հարթակ: Եվ այսպես, ինչպես և խոստացել էինք ձեր ուշադրության ենք ներկայացնում ֆիզիկ, «հազար տիրոջ ծառա» ռեկտորի նորանշանակ խորհրդականի՝ Մարինա Աբրահամյանի մասին բացահայտումների մի մասը:
Նա տարիներ առաջ սկսել է մեզ մոտ դասավանդել, նրան այս տարիների ընթացքում ճանաչել են միայն այն ուսանողները, որոնց դասավանդել է և որոշ աշխատակիցներ: Մինչդեռ նրա կողքին այս տարիների ընթացում Բրյուսովում աշխատել են դասախոսներ, որոնցից շատերը, երբեք ադմինստրատիվ պաշտոններ չզբաղեցնելով, արարել են, կազմակերպել մեր՝ ուսանողներիս արտալսարանային առօրյան, հարթակներ են ստեղծել մեր ինքնադրսևորման համար, նախաձեռնել և իրականացրել են բազմաթիվ մշակութային, ռազմահայրենասիրական, բարեգործական, գիտական, կրթական ծրագրեր: Նրանց չնկատելով, անտեսելով՝առաջին հայացքից պատահմամբ ռեկտորը գտնում և բացահայտում է հենց Մարինա Աբրահամյանին և պաշտոն առաջարկում:
Մեզ և համալսարանի շատ աշխատակիցներին Կարինե Հարությունյանի կողմից Մարինա Աբրահամյանին խորհրդական նշանակելը հենց սկզբից տարօրինակ թվաց: Մարինա Աբրահամյանը, վստահաբար, պետք է միջնորդությամբ դրան հասած լիներ, որովհետև նրան մինչ այդ բրյուսովականների ճնշող մեծամասնությունը չէր ճանաչում, նա երբևիցե ոչնչով աչքի չէր ընկել, երբեք ներգրավված չէր եղել համալսարանի ներքին և արտաքին առօրյայի և կենսակերպի ձևավորմանը: Դա էր պատճառը, որ մենք այն կարծիքին էինք, որ Մարինա Աբրահամյանը, հավանաբար, բուհի նոր շատ աշխատակիցների պես կամ նարկոդիսպենսերաբնակ, նորանշանակ ԿԳ փոխնախարարի ծանոթը պետք է որ լիներ, կամ էլ ռեկտորը իր յուրայինների նման նրան իր նախկին աշխատավայրից պետք է բերած լիներ:
Սակայն պարզվեց, որ Մարինայի նշանակման արմատները շատ ավելի խորն էին: Նրա նշանակումը սերտ առնչություն ունի Կենտրոն վարչական շրջանի ղեկավար Վիկտոր Մնացականյանի հետ, որը հեղափոխությունից հետո դարձել էր նաև մեր բուհի հոգաբարձուների խորհրդի անդամ:
Իսկ ի՞նչ կապ կա ՔՊ-ական Կենտրոնի թաղապետի և Մարինա Աբրահամյանի միջև:
Ասում են, որ Մնացականյանը նրա ամուսնու քավորն է:
Իսկ ո՞վ է Մարինայի ամուսինը:
Բոլորովին պատահականորեն, պարզվում է, որ Մարինա Աբրահամյանը, Էրեբունի վարչական շրջանի ղեկավար Արման Աբրահամյանի կինն է: Այո՛, հենց այն Արման Աբրահամյանը, որի հայրը ՀԱԿ-ի կամ ՀՀՇ-ի կարկառուն անդամ է: ՀՀՇ-ի օրերում նա՝ Մարինայի սկեսրայրը, եղել է ՀՀ ԱԺ պատգամավոր, Երևանի քաղաքապետ, Սյունիքի մարզպետ, ՀՀ ՆԳ նախարար, Հայաստանի ֆուտբոլի ֆեդերացիայի նախագահ: Ի՞նչ է ստացվում, ՔՊ-ն և ՀԱԿ-ը բուհում նոր հաստիք են իրենցով անում՝ քաղաքական նպատակներ հետապնդելով: Հիմա ենք հասկանում, թե ինչու էր Մարինա Աբրահամյանը իր վարած Brusovnews ինստագրամյան էջով համարձակվում բացահայտ հրավիրել ուսանողներին մասնակցելու մարտի 1-ի կապակցությամբ ՔՊ-ի կողմից իրականացվող երթին և անպատիժ մնում:
Զավեշտալի է, չէ՞: Ինչևէ շարունակենք, երբ մենք ներկայացնում էինք ապացույցներ Մարինա Աբրահամյանի կողմից մեր բուհը քաղաքականացնելու վերաբերյալ, երբ մենք մատնանշում էինք նրա կողմից լեզվահասարակագիտական բուհի աշխատակիցներին և դասախոսներին ուղարկված տառասխալներով հագեցած անգրագետ գրությունները, երբ նա իր PR-ի համար օգտագործում էր ապրիլյան հերոսների նվիրված լսարանում մեր ձեռքերով պատրաստած ստենդի նկարները, երբ ցույց էինք տալիս, որ նրա հովանու տակ կազմակերպված Մարտի 8-ին նվիրված միջոցառումը, որի դիտման համար աշխատակիցներին հանձնարարականով դահլիճ էին բերել, մեղմ ասած անվայել էր, որոշ յուրային ուսանողներ և ֆեյքեր նրան պաշտպանում էին:
Նրանք ասում էին, թե բա գիտեք նա պաշտպանած է, գիտությունների թեկնածու է, այն էլ՝ դոցենտ: Այդ ուղղությամբ էլ հետաքրքրվեցինք և հետաքրքիր զուգատիպություններ պարզեցինք: Նա իր ատենախոսությունը գրել է տարիներ առաջ. նրա գիտական ղեկավարն է եղել այդ ժամանակ մեր դեկան, փայլուն մասնագետ Գայանե Մարկոսյանը, որը «Առավոտ» լրատվականի գլխավոր խմբագիր Արամ Աբրահամյանի քույրն է: Մարինան և վերջինս բարեկամներ են, ահա թե ինչու ուսանողների խոսքերով մի կերպ սխալներով թեստեր կազմող Մարինա Աբրահամյանը պաշտպանեց ու գիտությումների թեկնածու դարձավ: Այս օրվա համար թերևս այսքանը: Մնացած էլ ավելի հետաքրքրաշարժ բացահայտումները կներկայացնենք ձեզ հետո: Իսկ մեզ մնում է միայն ափսոսալ, որ ակտիվ, ուսանողների հոգևոր, մշակութային, բարոյական, գիտական զարգացմանը նպաստող մեր շատ դասախոսների փոխարեն խորհրդական է դառնում անծանոթ Ծանոթը՝ Մարինա Աբրահամյանը՝ օգտագործելով իր թաղապետ ամուսնու և նրա քավորի հնարավորությունները:
Հարգելիներս, ևս մի ապացույց. քաղաքականությունը բուհերից չի հեռացել, այն ընդհակառակը հաստատուն քայլերով գրոհում է և արմատները խորացնում:
