Կուշտը սովածին մանր է բրդում

Ազգային ժողովի «Իմ քայլը» խմբակցության ղեկավար Լիլիթ Մակունցը պատրաստվում է Քաղաքացու օրը՝ ապրիլի 27-ը, նշել ՀՀ երեք մարզերում՝ Շիրակի, Լոռու և Տավուշի:

Այս մասին այսօր Ազգային ժողովում է ասել Մակունցը, չբացելով փակագծեր, որ այդ մարզեր իրենց այցելությունները կուղեկցվեն ֆեյսբուքյան լայվերով, սելֆիներվ և իշխող ուժի գովքն ապահովող հայտնի ստատուսչիկներով:

Փաշինյանի անգլերենի ուսուցչուհին և Հարությունյան Արայիկի երբեմնի ընկերը բնականաբար չի խոսել այն մասին, թե ինչպես է պատրաստվում իր թիմը ծախսել 124 մլն դրամը, կամ դրանից քանի լումայի օգուտ կհասնի վերը նշված երեք մարզերի աղքատ բնակչությանը:

Հետաքրքիր է` Մակունցը փորձե՞լ է արդյոք հաշվարկել, թե այդքան միլիոնով Գյումրիում քանի տնակ այլևս չէր լինի, կամ ինչ կլիներ, եթե 124 միլիոնով լուծվեր անօթևանի խնդիր, որ նա դառնար ՀՀ ոչ թե աղքատության բեռի տակ կքած, այլ պետությանն իր թիկունքում զգացող հպարտ քաղաքացի: Հաշվի առնելով Մակունցի՝ որևէ բան խորքային չուսումնասիրելու բնավորությունն ու խնդիրներին ժպիտով և ոչ ադեկվատ պատասխաններ տալու կարողությունը, դժվար թե նա խորհած լիներ այս հարցերի մասին: Ինչպես Մակունցն, այնպես էլ իր թիմի մեծամասնությունը միայն էժանագին փիառներին տրվել գիտի. ուրիշ ոչինչ:

Ու այսպես, դատարկ ու բոկոտն՝ երկիր են ղեկավարում` լրջագույն հարցերը թողնելով անպատասխան: Ի դեպ, թեև ապրիլի 27-ին մնացել է ընդամենը երեք օր, սակայն մինչ այս պահը չկա որևէ ֆինանսական հաշվարկ այն մասին, թե ինչպես է բաշխվելու պետական բյուջեից հատկացված 124 մլն դրամը, չկա նաև այն միջոցառումների ցանկը, որն իշխանությունը պատրաստվում է իրականացնել:

NEWSPRESS.am