Եթե դու սպասել գիտես, ու գիտես, թե ում... Նազենի Հովհաննիսյանի գրառումն ու լուսանկարը

Դերասանուհի, հաղորդավարուհի Նազենի Հովհաննիսյանը ֆեյսբուքյան իր էջում լուսանկար է հրապարակել, որին կից գրառել է. 

«Սպասումն ասես մեծ խճանկարից մոլորակ լինի. ծվեն-ծվեն ես լինում րոպեների ու վայրկյանների մեջ ու պատկերդ խախտվում է: Ամեն րոպեն սրտիցդ ու կյանքիցդ է պոկում-տանում, ու էդպես մասնատվում` մնում ես: Սպասումն անմարդկային բան է: Երևի ամենավատ անեծքն էդպես էլ կհնչեր. «հավերժ սպասումի մեջ լինես»: Չնայած, մեկի համար անեծք, մյուսի համար գուցե օրհնությո՞ւն: Սպասումի մեջ էնքան իմաստ կա ախր...

Սպասումն ու կյանքն ատում են իրար. մեկն անթարթ կանգնած է, որ հասցնի, մյուսն արագ, գժի պես վազում է, պտտվում, որ հանկարծ չհասցնես..., որ հոգնես... էլ չսպասես... Սպասումն անողոք է. կամ դու, կամ` նա քեզ կոչնչացնի:

Սպասումի մեջ ապրող մարդիկ տարբեր են, հաճախ` անհասկանալի:

Կողքից` գուցե և անիմաստ:

Բայց սպասումի մեջ անգամ երջանկությունը գտնողը տեղով մեկ սեր է:
Անեծքն օրհնության վերածողը` ուժեղ:

Իսկ սպասումի լաբիրինթից իր Սիրո հետ դուրս եկողը` Ցորենի հասկի նման: Որքան բաժանես ու շաղ տաս իր մասնիկները, էնքան կշատանա, սեր ու հաց կտա, ու քամիների մեջ կտեսնես ոսկեգույն հասկերը: Սպասումին անթարթ նայողի աչքերն ունեն ցորենի հասկերի գույնը... Սպասումի....Ամեն մասնիկը մի մոլորակ է, եթե դու սպասել գիտես, ու գիտես, թե ՈՒՄ... »,- գրել է Հովհաննիսյանը՝ օգտագործելով #nazenihovhannisyan, #2019, #n, #mythoughts, #blogger հեշթեգերը: