Վալվերդեն ամեն ինչ ճիշտ արեց, ես՝ սխալ. Յուրգեն Կլոպը մեկնաբանել է «Բարսելոնա»- «Լիվերպուլ» խաղը (տեսանյութ)
«Լիվերպուլ»-ի գլխավոր մարզիչ Յուրգեն Կլոպը հպարտ է իր թիմի խաղով՝ չնայած «Բարսելոնա»-ից 3:0 հաշվով կրած պարտությանը: Գերմանացին նշել է, որ մերսիսայդցիներն ամբողջ խաղի ընթացքում լավ խաղացին, բայց չկարողացան գոլ խթել, ինրը վատթարացնում է նրանց շանսերը ՉԼ-ի եզրափակիչ դուրս գալու:
««Լիվերպուլ»-ն իսկապես լավ խաղաց, բայց արդյունքում «Բարսելոնա»-ն երեք գոլ խփեց, իսկ մեկ՝ ոչ մի: Ինձ համար շատ կարևոր է, թե ինչպես է թիմը գործել, և ես երջանիկ եմ ու ասել եմ տղաներին, որ հպարտանում եմ այն բանով, թե ինչպես մենք խաղացինք: Կարծում եմ, որ Չեմպիոնների լիգայում սա մեր լավագույն արտագնա հանդիպումն էր ոչ միայն այս, այլև վերջի երկու մրցաշրջաններում»,- նշել է Կլոպը:
Նրա խոսքով՝ Չեմպիոնների լիգայում, եթե դուք գոլ եք խփում և պարտվում եք, այնքան էլ մեծ խնդիր չէ, կարող է այդպես պատահել:
«Բայց մենք գոլ չխփեցինք, դրա համար էլ, անկեղծ ասած, հիմա մեր դրությունը հեշտերից չէ: Բոլոր դեպքերում, իմ կարծիքով, իմ խաղացողները մեծ հարգանք են նվաճել այն բանով, թե ինչպես են խաղացել»,- ասել է նա:
«Մեր փորձեցինք խաղալ մեր խաղը: Ինձ դուր եկավ, բայց մենք զիջեցինք 3:0 հաշվով, դրա համար ես կասեի, որ պարոն Վալվերդեն ամեն ինչ ճիշտ արեց, իսկ ես ամեն ինչ սխալ: Սա ֆուտբոլ է»,- նշել է Կլոպը, ում խոսքը մեջբերում է «Լիվերպուլ»-ի պաշտոնական կայքը:
Հիշեցնենք, որ պատասխան հանդիպումը տեղի կունանա Լիվերպուլում մայիսի 7-ին:
