Արտակարգ շրջադարձեր՝ հայ-ռուսական հարաբերություններում, եթե չլուծվի Միհրան Պողոսյանի հարցը. քաղաքագետ

Քոչարյանի խափանման միջոցը փոխելու առումով գրել էի, որ դա այն գինն է, որը պետք է վճարի Նիկոլը Պուտինի հետ հանդիպման համար։ Ըստ Մատվիենկոյի այդ հանդիպումը այսօր կկայանա։ Այդ մասին ֆեյսբուքյան իր էջում գրել է քաղաքագետ Ստեփան Դանիելյանը: 

Նրա գրառման մեջ նաև ասվում է.

Դատավորների հանդեպ հայտնի միջոցառումը, այդ թվում նաև Անցումային արդարատության մասին ԱԺ լսումները, «արցախյան հակահեղափոխությունը», նորից եմ պնդում, շոու էր, Քոչարյանի թեման փոխելու ու հանրության ուշադրությունը շեղելու համար, քանի որ Քոչարյանի դեմոնացումն այն չափերի էր հասցվել, որ նման արտակարգ միջոցառումներ էր պետք կազմակերպել։

Հիմա հետաքրքիր զարգացումներ են սպասվում Միհրան Պողոսյանի հարցում։

Ի տարբերություն Միքայել Հարությունյանի, որը Ռուսաստանի քաղաքացի էր ու կա օրենք Ռուսաստանի քաղաքացիներին այլ երկրներին չհանձնելու մասին, որքան հասկանում եմ Միհրան Պողոսյանի դեպքում նման բան չկա։

Կա միջպետական պայմանագրեր արտահանձնելու մասին ու եթե Պողոսյանին քաղաքական ապաստան տրամադրեն, ապա Հայաստանը Ռուսաստանի կողմից հայտարարվում է քաղաքականապես անվստահելի երկիր։ Ավելին, Հայաստանը Ռուսաստանը համարում է կասկածելի քաղաքական ռեժիմով երկիր։ Սա այս պահին դժվար է պատկերացնելը։

Ըստ տրամաբանության մոտ ժամանակները այս հարցը պետք է լուծում ստանա։

Հակառակ դեպքում ինչ-որ արտակարգ շրջադարձեր են սպասվում երկու երկրների հարաբերություններում։