Իսկ նա կների՞

Մինչ ՀՀ վարչապետ Նիկոլ Փաշինյանն ամենուր հայտարարում է, որ հայ-ռուսական հարաբերությունները երբեք այսքան լավը չեն եղել, որքան այժմ են, ՌԴ նախագահ Վլադիմիր Պուտինը Փաշինյանին հակադարձում է ոչ թե խոսքով, այլ գործով:

Թեև օրեր առաջ Փաշինյանը կառավարությունում ռուս լրագրողների հետ զրույցում վստահեցրել էր, որ մայիսի 29-ին Ղազախստանում հանդիպելու է ՌԴ նախագահին, իսկ ավելի ուշ այդ հանդիպման մասին հայտարարել էր նաև ՌԴ Դաշնային խորհրդի խոսնակ Վալենտինա Մատվիենկոն, Փաշինայնն այժմ պնդում է, որ Վլադիմիր Պուտինի հետ հանդիպում նախատեսված չի եղել:

Հարց է առաջանում՝ ինչպե՞ս նախատեսված չի եղել, եթե այդ օրակարգի մասին տեղեկացված է եղել և՛ հայկական, և՛ ռուսական կողմը:

Ակնհայտ է, որ ՀՀ վարչապետը ստում է: Եվ խնդիրն այն չէ, որ Փաշինյանի և Պուտրնի հետ նախատեսված, բայց այդպես էլ չկայացած հանդիպման մասին հարց ուղղող լրագրողները նրան չեն հիշեցնում կառավարությունում մայիսի 17-ին ռուս լրագրողների հետ հանդիպման ժամանակ իր և Պուտինի նախատեսված հանդիպման մասին բարձրաձայնելը, հոգ չէ, որ լրագրողները չեն հիշեցրել Փաշինյանին նաև Մատվիենկոյի հայտարարությունը:

Խնդիրն այն է, որ Փաշինյանը ստում է ոչ միայն ՀՀ-ի ներսում, այլ նաև Հայաստանից դուրս:

Էյֆորիկ տրամադրությունների մեջ ՀՀ վարչապետը կարողանում է հայ հանրությանը պահել, գուցե այս ստից հետո էլ գա և ֆեյսբուքյան լայվով հայտարարի ևս մեկ հայտնի կոռուպցիոների բռնելու մասին, որպես ստաժավոր լրագրող նա կգտնի տարբերակ իր այս սուտը որքան հնարավոր է մամուլի աչքից թաքցենլու համար, բայց արդյո՞ք նա դա կկարողանա անել մեր ռազմավարական դաշնակցի հետ հարաբերվելիս:

Դեռ հարց է՝ կներվի՞ նրան այս սուտն ու ի՞նչ կստանանք դրա արդյունքում. Փաստորեն, եթե Փաշինայնն ասում է, որ հանդիպում նախատեսված չի եղել, նշանակում է, որ ստում էր Մատվիենկոն և ռուսական կողմը:

Այնպես որ, հաջորդիվ պետք է պատրաստ լինենք նոր անակնկալների. գուցե մյուս անգամ ոչ թե Փաշինյանը հրաժարվի ԵԱՏՄ անդամ պետությունների ղեկավարների հետ հանդիպմանը հաջորդող ճաշկերույթից ու հետո փոշմանի, այլ նրան այլևս ճաշելու չհարվիրեն:

Հիշեցնենք, որ Փաշինայնն այսօր որոշել էր չմասնակցել պաշտոնական ճաշին, հետո փոշմանել էր իր այդ անհեռատես որոշման համար, ու այն փոխել:

Իսկ Նազարբաևից մեդալ չստանալու վիրավորանքին ի պատասխան էլ շեշտել էր, թե բա՝ մի քիչ տարօրինակ չէ՞ր լինի ինձ ԵԱՏՄ-ի ստեղծման հնգամյակի առիթով մեդալ տալը, մոռանալով, որ մեդալ է տրվել օրինակ մեզանից ավելի ուշ ԵԱՏՄ անդամ դարձած պետությանը:

Փաշինայնն օր օրի խնդրահարույց է դառնում ու հարց է՝ Պուտինը դեռ որքան կհանդուժի սա:

NEWSPRESS.am